നിലമ്പൂര്‍: സമസ്ത കേരള ജംഇയ്യത്തുല്‍ ഉലമയുടെ ആദര്‍ശം മഹത്തരമാണെന്ന് പാണക്കാട് സയ്യിദ് ഹമീദലി ശിഹാബ് തങ്ങള്‍ പറഞ്ഞു. സമസ്ത മണ്ഡലം കമ്മിറ്റിയുടെയും പോഷക ഘടങ്ങളുടെയും സംയുക്താഭിമുഖ്യത്തില്‍ 24ന് നടക്കുന്ന ആദര്‍ശ സമ്മേളനത്തിന്റെ ഭാഗമായി ചേര്‍ന്ന സംഗമത്തില്‍ ടി.കെ അബ്ദുള്ളക്കുട്ടി മാസ്റ്ററില്‍ നിന്നു ഫണ്ട് ഏറ്റുവാങ്ങി ഉദ്ഘാടനം ചെയ്യുകയായിരുന്നു അദ്ദേഹം. എസ്.വൈ.എസ് മണ്ഡലം പ്രസിഡന്റ് അബ്ദുല്‍ അസീസ് മുസ്‌ലിയാര്‍ അധ്യക്ഷനായി. സുലൈമാന്‍ ഫൈസി ചുങ്കത്തറ, മുഹമ്മദ് അമാനുള്ള ദാരിമി, അബ്ദുറഹ്മാന്‍ ദാരിമി മുണ്ടേരി, കെ.ടി കുഞ്ഞാന്‍ ചുങ്കത്തറ, ശിഹാബുദ്ദീന്‍ റഹ്മാനി കരുളായി, എം. ഹംസ ദാരിമി, പി. ജമാലുദ്ദീന്‍ മുസ്‌ലിയാര്‍ ചോക്കാട്, പി.എച്ച് ഇബ്രാഹിം, നാണി ഹാജി കരുളായി, ഇസ്മായില്‍ ഹാജി നല്ലംതണ്ണി, പറമ്പില്‍ ബാവ ഹാജി ചുങ്കത്തറ, ഇ. പോക്കര്‍ പൂളപ്പാടം, മുഹമ്മദ് ഫൈസി, മന്‍സൂര്‍ ഫൈസി കരുളായി സംസാരിച്ചു.