കുവൈത്ത് സിറ്റി: മയക്കുമരുന്നുമായി ബന്ധപ്പെട്ട കേസില്‍ രണ്ട് ഇന്ത്യന്‍ പ്രവാസികള്‍ക്ക് വധശിക്ഷ വിധിച്ച് കുവൈത്ത് ക്രിമിനല്‍ കോടതി. കുവൈത്തിന് പുറത്തു നിന്ന് പ്രവര്‍ത്തിച്ചിരുന്ന അന്താരാഷ്ട്ര മയക്കുമരുന്ന് കടത്ത് ശൃംഖലയുമായുളള ബന്ധം തെളിഞ്ഞതോടെയാണ് വിധി പ്രഖ്യാപിച്ചത്..ജഡ്ജി ഖാലിദ് അല്‍താഹൂസ് അധ്യക്ഷനായ കോടതിയാണ് വിധി പ്രസ്താവിച്ചത്.

ALSO READ: കര്‍ശന പരിശോധന; കുവൈത്തില്‍ ട്രാഫിക് നിയമലംഘനങ്ങള്‍ ഗണ്യമായി കുറഞ്ഞു

ഇതിന് മുന്‍പ്, ആഭ്യന്തര മന്ത്രാലയം നടത്തിയ പ്രത്യേക സുരക്ഷാ ഓപ്പറേഷനിലൂടെ ആഭ്യന്തര വിപണിയിലെത്തിക്കുന്നതിന് മുമ്പ് തന്നെ വലിയ തോതില്‍ മയക്കുമരുന്നുകള്‍ പിടിച്ചെടുത്തിരുന്നു. കയ്ഫാന്‍, ശുവൈഖ് പ്രദേശങ്ങളിലെ താമസ മേഖലകളില്‍ നിന്നാണ് പ്രതികളെ ഡ്രഗ് കണ്‍ട്രോള്‍ ജനറല്‍ ഡിപ്പാര്‍ട്‌മെന്റ് അറസ്റ്റ് ചെയ്തത്.  

ALSO READ: ഖത്തര്‍ എജുക്കേഷന്‍ എക്‌സലന്‍സ് അവാര്‍ഡ് 2026; ഇത് കഠിനാധ്വാനത്തിന്റെ അംഗീകാരം

പ്രതികളുടെ കൈവശം 14 കിലോഗ്രാം ഹെറോയിനും 8 കിലോഗ്രാം മെത്താംഫെറ്റമീനും കണ്ടെത്തിയതായി അധികൃതര്‍ വ്യക്തമാക്കി. ഇവ കുവൈത്തിനുള്ളില്‍ വിപണനം നടത്താന്‍  സൂക്ഷിച്ചിരുന്നതാണെന്നും അന്വേഷണസംഘം കണ്ടെത്തി.

മയക്കുമരുന്ന് നിരോധനവും രാജ്യത്തിന്റെ സുരക്ഷയും യുവതലമുറയുടെ ഭാവിയും കണക്കിലെടുത്ത്, മയക്കുമരുന്ന് കടത്ത് കേസുകളില്‍ കര്‍ശന നടപടികള്‍ തുടരുമെന്ന് ആഭ്യന്തര മന്ത്രാലയം മുന്നറിയിപ്പ് നല്‍കുന്നുണ്ട്.