കുവൈത്ത് സിറ്റി: കുവൈത്തില്‍ ട്രാഫിക് നിയമങ്ങള്‍ കര്‍ശനമായതോടെ ട്രാഫിക് ലംഘനങ്ങള്‍ വന്‍തോതില്‍ കുറഞ്ഞതായി ജനറല്‍ ട്രാഫിക് ഡിപ്പാര്‍ട്‌മെന്റ് വ്യക്തമാക്കി.

നഗരത്തിലുടനീളം നടത്തിയ വിവിധ പരിശോധനകളിലൂടെയാണ് ഇത് സാധ്യമായത്. റൗണ്ട്അബൗട്ടുകള്‍, ട്രാഫിക് ലൈറ്റുകള്‍, പ്രധാന ജംഗ്ഷനുകള്‍ എന്നിവിടങ്ങളില്‍ പ്രത്യേക  പരിശോധനകള്‍ ഇതിനായി നടത്തിയിരുന്നു.

ALSO READ: കുവൈത്തിലെ തൊഴിലാളി ക്യാമ്പിൽ വൻ തീപിടുത്തം; ആളപായമില്ല, ദുരന്തം ഒഴിവായത് അഗ്നിശമന സേനയുടെ സമയോചിത ഇടപെടൽ മൂലം

ഒക്ടോബറില്‍ ഒരു ദിവസം മാത്രം രേഖപ്പെടുത്തിയിരുന്ന 823 അനധികൃത ഓവര്‍ടേക്കിംഗ് ലംഘനങ്ങള്‍ ജനുവരി 5 ന് 45 ആയി കുറഞ്ഞതായി അധികൃതര്‍ കണ്ടെത്തി. കൃത്യതയോടെ ഫീല്‍ഡ് ക്യാമ്പയിനുകള്‍ ശക്തമാക്കിയതും ട്രാഫിക് പോലീസിനെ നഗരത്തില്‍ വ്യാപകമായി വിന്യസിച്ചതുമാണ് ഈ നേട്ടത്തിന് കാരണം.

ALSO READ: പ്രവാസി ജീവനക്കാരന്റെ ആനുകൂല്യങ്ങൾ നിഷേധിച്ച കമ്പനിക്ക് ലേബർ കോടതിയുടെ പ്രഹരം; 11 വർഷത്തെ സേവനത്തിന് ഒടുവിൽ നീതിയുടെ തലോടലുമായി വിധി

അപകടകരമായ ഓവര്‍ടേക്കിംഗ് പലപ്പോഴും ഗതാഗതം തടസ്സപ്പെടുത്തുന്നതിനും റോഡ് അപകടങ്ങള്‍ക്കും കാരണമാകുന്നുണ്ടെന്ന് ആഭ്യന്തര മന്ത്രാലയം വ്യക്തമാക്കി. നിയമമനുസരിച്ച് അനധികൃത ഓവര്‍ടേക്കിംഗ് ലംഘനത്തിന് 15 കുവൈത്തി ദിനാര്‍ പിഴയും, ഗതാഗതം തടസ്സപ്പെടുത്തുന്നവര്‍ക്ക് 20 കുവൈത്തി ദിനാര്‍ പിഴയും ഈടാക്കും. തുടര്‍ച്ചയായ ലംഘനങ്ങള്‍ക്ക് രണ്ടുമാസം വരെ വാഹനം പിടിച്ചുവെക്കാനും കേസ് ട്രാഫിക് കോടതിയിലേക്ക് കൈമാറാനും നിയമമുണ്ട്.

പുതുവത്സര ദിനത്തില്‍ നടത്തിയ പരിശോധനകളില്‍ നിയമലംഘനത്തെ തുടര്‍ന്ന് 60 ഡ്രൈവര്‍മാര്‍ പിടിയിലായി. കഴിഞ്ഞ ഏഴ് ദിവസത്തിനിടെ 19,000 ട്രാഫിക് നോട്ടീസുകള്‍ നിയമലംഘകര്‍ക്ക് നല്‍കിയിട്ടുണ്ട്. 254 വാഹനങ്ങള്‍ പിടിച്ചുവെച്ചിട്ടുണ്ട്. കൂടാതെ 11 പേര്‍ റെസിഡന്‍സി നിയമലംഘനത്തിന്റെ പേരില്‍ അറസ്റ്റിലായതായും, 1,302 റോഡ് അപകടങ്ങള്‍ റിപ്പോര്‍ട്ട് ചെയ്തതായും അധികൃതര്‍ അറിയിച്ചു. ഇതില്‍ 242 കേസുകളില്‍ പരുക്കുകള്‍ രേഖപ്പെടുത്തി. റോഡുകളില്‍ സുരക്ഷ ഉറപ്പാക്കാനും നിയമലംഘനങ്ങള്‍ തടയാനുമായി പരിശോധനകള്‍ തുടരുമെന്നും അധികൃതര്‍ മുന്നറിയിപ്പ് നല്‍കുന്നുണ്ട്.

Traffic violations across Kuwait have significantly decreased, according to authorities. The decline is attributed to tsricter law enforcement, advanced smart surveillance ്യെേെems, increased േൃമffic monitoring, and continuous public awareness campaigns. Officials stated that these measures aim to enhance road saftey, reduce accidents, and promote responsible driving behavior, with efforts set to continue in the coming period.