മോസ്കോ: കോർപ്പറേറ്റ് ജോലികളുടെ സമ്മർദ്ദത്തിൽ നിന്ന് മോചനം തേടി വ്യത്യസ്തമായ തൊഴിൽ വഴികൾ തിരഞ്ഞെടുക്കുന്നവരുടെ കഥകൾ നമ്മൾ പലപ്പോഴും കേൾക്കാറുണ്ട്. എന്നാൽ ഇന്ത്യയിൽ നിന്നുള്ള 26-കാരനായ മുകേഷ് മണ്ഡലിന്റെ കഥ ഇതിൽ നിന്നെല്ലാം വ്യത്യസ്തമാണ്. ഇന്ത്യയിൽ സോഫ്റ്റ്‌വെയർ ഡെവലപ്പറായിരുന്ന മുകേഷ് ഇന്ന് റഷ്യയിലെ സെൻ്റ് പീറ്റേഴ്‌സ്‌ബർഗ് തെരുവുകൾ വൃത്തിയാക്കുന്ന സ്വീപ്പറാണ്.

ALSO READ: ട്രംപ് അഹങ്കാരി, ഉടൻ അധികാരത്തിൽ നിന്ന് തെറിക്കും: ഇറാനിലെ ഭരണവിരുദ്ധ പ്രക്ഷോഭത്തിന് പിന്നിൽ അമേരിക്കയെന്ന് ആയത്തുള്ള ഖാംനഈ

റഷ്യൻ വാർത്താ ഏജൻസിയായ 'ഫോണ്ടാൻക' (Fontanka) ആണ് മുകേഷിന്റെ ഈ അപൂർവ്വ ജീവിതകഥ പുറത്തുവിട്ടത്. മൈക്രോസോഫ്റ്റ് പോലുള്ള പ്രമുഖ കമ്പനികളിൽ ഡെവലപ്പറായി ജോലി ചെയ്തിരുന്ന മുകേഷ് ആർട്ടിഫിഷ്യൽ ഇന്റലിജൻസ് (AI), ചാറ്റ് ജിപിടി തുടങ്ങിയ അത്യാധുനിക സാങ്കേതികവിദ്യകളിൽ പ്രാവീണ്യമുള്ളയാളും കൂടിയാണ് എന്നതാണ് അതിശയം.

ALSO READ: മുണ്ടക്കൈ - ചൂരൽമല പുനരധിവാസം: നൂറ് വീടുകളുമായി കോൺഗ്രസ്; ഭൂമി രജിസ്ട്രേഷൻ തിയതി പ്രഖ്യാപിച്ചു

അടിസ്ഥാനപരമായി ഒരു ഡെവലപ്പറാണ്. മൈക്രോസോഫ്റ്റ് പോലുള്ള കമ്പനികളിൽ ജോലി ചെയ്തിട്ടുണ്ട്. എന്നാൽ ഇപ്പോൾ സെൻ്റ് പീറ്റേഴ്‌സ്‌ബർഗിലെ തെരുവുകൾ വൃത്തിയാക്കുന്ന ജോലിയാണ് ചെയ്യുന്നത്, അതിൽ സന്തോഷമുണ്ടെന്നും മുകേഷ് മണ്ഡൽ പറഞ്ഞു.

റഷ്യയിലെ തൊഴിലാളി ക്ഷാമം പരിഹരിക്കുന്നതിനായുള്ള പ്രത്യേക പദ്ധതിയുടെ ഭാഗമായാണ് മുകേഷ് ഉൾപ്പെടെയുള്ള 17 അംഗ ഇന്ത്യൻ സംഘം സെന്റ് പീറ്റേഴ്‌സ്‌ബർഗിലെത്തിയത്. ഒരു റഷ്യൻ റോഡ് മെയിൻ്റനൻസ് കമ്പനിയാണ് ഇവരെ നിയമിച്ചിരിക്കുന്നത്. ന​ഗരത്തിലെ തെരുവുകൾ വൃത്തിയാക്കുന്നതാണ് ജോലി. പ്രതിമാസം ഏകദേശം 1,00,000 റൂബിൾ (ഏകദേശം 1,13,669 രൂപ) ആണ് മുകേഷ് മണ്ഡൽ സമ്പാ​ദിക്കുന്നത്. താമസസൗകര്യം, ഭക്ഷണം, ജോലിസ്ഥലത്തേക്കുള്ള യാത്ര, പ്രത്യേക സുരക്ഷാ വസ്ത്രങ്ങൾ എന്നിവ കമ്പനി നൽകുന്നു.

ALSO READ: സ്വത്ത് തർക്കം: ജ്യേഷ്ഠന്റെ വീടിന് തീയിടാൻ ശ്രമിക്കുന്നതിനിടെ അനുജന് പൊള്ളലേറ്റു

മുകേഷിനെ കൂടാതെ വിവിധ പ്രൊഫഷണൽ മേഖലകളിൽ നിന്നുള്ളവരാണ് സംഘത്തിലുള്ളവർ. ആർക്കിടെക്റ്റുകൾ, ഇവൻ്റ് ഓർഗനൈസർമാർ, ടെക്നീഷ്യൻമാർ, ഡ്രൈവർമാർ, കർഷകർ എന്നിവരെല്ലാം ഈ സംഘത്തിലുണ്ട്. മെച്ചപ്പെട്ട വരുമാനം ലക്ഷ്യമിട്ട് സ്വന്തം ഇഷ്ടപ്രകാരമാണ് എല്ലാവരും റഷ്യയിലെത്തിയത്.

ALSO READ: നിങ്ങളുടെ ഇൻസ്റ്റാഗ്രാം അക്കൗണ്ട് സുരക്ഷിതമാണോ?; 1.75 കോടി ഉപഭോക്താക്കളുടെ വിവരങ്ങൾ ഡാർക്ക് വെബിൽ

"ജോലി ദൈവത്തിന് തുല്യം" തന്റെ പുതിയ ജോലിയെക്കുറിച്ച് മുകേഷിന് കൃത്യമായ കാഴ്ചപ്പാടുണ്ട്. "ഏത് ജോലിയാണെന്നതിലല്ല, അത് എത്രത്തോളം നന്നായി ചെയ്യുന്നു എന്നതിലാണ് കാര്യം. ടോയ്‌ലറ്റിലായാലും തെരുവിലായാലും ജോലി ചെയ്യാം. അത് എന്റെ ഉത്തരവാദിത്തമാണ്," മുകേഷ് വ്യക്തമാക്കുന്നു. വിദേശത്ത് താമസിച്ച് നല്ല രീതിയിൽ പണം സമ്പാദിച്ച് നാട്ടിലേക്ക് മടങ്ങുക എന്ന സാധാരണ പ്രവാസിയുടെ സ്വപ്നം തന്നെയാണ് ഈ മുൻ സോഫ്റ്റ്‌വെയർ എൻജിനീയർക്കുമുള്ളത്.

Mukesh Mandal, a 26-year-old software engineer from India who previously worked with tech giants like Microsoft, has swapped his coding career for street cleaning in St. Petersburg, Russia. Part of a 17-member Indian group hired to tackle local labor shortages, Mukesh now earns over 100,000 Rubles (approx. ₹1.13 lakh) per month.