ബാങ്കോക്ക്: തായ്‌ലന്‍ഡില്‍ ട്രെയിനുമുകളിലേക്ക് ക്രെയിന്‍ വീണ് 22 പേര്‍ മരിച്ചതായി റിപ്പോര്‍ട്ട്. ബാങ്കോക്കില്‍ നിന്ന് തായ്ലന്‍ഡിന്റെ വടക്കുകിഴക്കന്‍ പ്രവിശ്യയിലേക്ക് പോകുകയായിരുന്ന ട്രെയിനാണ് അപകടത്തില്‍പെട്ടത്. 80 ലധികം പേര്‍ക്ക് പരുക്കേറ്റിട്ടുണ്ടെന്നാണ് വിവരം. ബാങ്കോക്കിന് 230 കിലോമീറ്റര്‍ (143 മൈല്‍) വടക്കുകിഴക്കായി നഖോണ്‍ റാച്ചസിമ പ്രവിശ്യയിലെ സിഖിയോ ജില്ലയില്‍ ബുധനാഴ്ച രാവിലെയാണ് അപകടമുണ്ടായത്.

തായ്ലന്‍ഡിലെ ഉബോണ്‍ റാച്ചസിമ പ്രവിശ്യയിലേക്ക് പോകുകയായിരുന്ന ട്രെയിന്‍. റെയില്‍വേ ട്രാക്കിനോട് ചേര്‍ന്ന് ഹൈ- സ്പീഡ് റെയില്‍ പദ്ധതിയുടെ നിര്‍മാണ പ്രവര്‍ത്തികള്‍ നടക്കുന്നുണ്ടായിരുന്നു. ഇതിന്റെ നിര്‍മാണപ്രവര്‍ത്തിക്കായി എത്തിച്ച കണ്‍സ്ട്രക്ഷന്‍ ക്രെയിനാണ് ട്രെയിനിന് മുകളിലേക്ക് വീണത്. പിന്നാലെ ട്രെയിന്‍ പാളം തെറ്റുകയും തീപിടിക്കുകയും ചെയ്തു. 

ALSO READ: ഗസ്സയില്‍ ഈ ശൈത്യകാലത്ത് ഹൈപ്പോഥെര്‍മിയ ബാധിച്ച് മരിച്ചത് 6 കുഞ്ഞുങ്ങള്‍-യൂനിസെഫ്  

പാളം തെറ്റിയ കോച്ചുകള്‍ക്കുള്ളിലെ യാത്രക്കാരെ ഏറെ നേരം പണിപ്പെട്ടാണ് രക്ഷാപ്രവര്‍ത്തകര്‍ പുറത്തെത്തിച്ചത്. ഏകദേശം 195 യാത്രക്കാരാണ് ട്രെയിനില്‍ ഉണ്ടായിരുന്നത്. പരുക്കേറ്റവരെ ഉടന്‍ ആശുപത്രിയിലേക്ക് മാറ്റി. മരിച്ചവരെ തിരിച്ചറിയാനുള്ള ശ്രമങ്ങള്‍ തുടരുകയാണെന്ന് തായ്‌ലന്‍ഡ് പ്രധാനമന്ത്രി ഫിപാത് രചകിത്പ്രാകരന്‍ മാധ്യമങ്ങളോട് പറഞ്ഞു. സംഭവത്തില്‍ അന്വേഷണം പ്രഖ്യാപിച്ചതായും മന്ത്രി അറിയിച്ചു. 

At least 22 people were killed and more than 80 injured after a construction crane collapsed onto a passenger train in Thailand, triggering a derailment and fire. The tragic accident occurred on Wednesday morning in Sikhio district of Nakhon Ratchasima province, about 230 kilometres northeast of Bangkok.