മരട്: നഗരസഭയുടെ ഓണക്കാഴ്ചയുടെ ഭാഗമായി നടന്ന വളന്തകാട് ജലോത്സവം എം.സ്വരാജ് എം.എല്‍.എ ഉദ്ഘാടനം ചെയ്തു. വാശിയേറിയ എ ഗ്രേഡ് വള്ളങ്ങളുടെ മത്സരത്തില്‍ റിഞ്ചു ചെമ്മാശേരി ക്യാപ്റ്റനായ തുരുത്തിപ്പുറം ഒന്നാം സ്ഥാനവും ജേക്കബ്ബ് ഹട്‌സന്‍ ക്യാപ്റ്റനായ സെന്റ് ആന്റണി രണ്ടാം സ്ഥാനവും സി.എസ് അജിത് ക്യാപ്റ്റനായ സെന്റ് സെബാസ്റ്റ്യന്‍ മൂന്നാം സ്ഥാനവും കരസ്ഥമാക്കി.
ബി.ഗ്രേഡ് വള്ളങ്ങളുടെ മത്സരത്തില്‍ മൂന്നു വള്ളങ്ങള്‍ തമ്മിലായിരുന്നു മത്സരം. രൂപേഷ് ക്യാപ്റ്റനായ ജിബി തട്ടകന്‍ ഒന്നാം സ്ഥാനം നേടി. അനീഷ് അയ്യപ്പന്‍ ക്യാപ്റ്റനായ ചെറിയ പണ്ഡിതനും എ.എസ് ശ്യാം ക്യാപ്റ്റനായ പാര്‍ത്ഥസാരഥിയും രണ്ടാം സ്ഥാനം പങ്കിട്ടു.
ലൂസേഴ്‌സ് മത്സരത്തില്‍ എ ഗ്രേഡ് വിഭാഗത്തില്‍ സെന്റ് ജോസഫും ബി ഗ്രേഡില്‍ ശ്രീ മുരുകനും വിജയികളായി. വിജയികള്‍ക്ക് നഗരസഭ ചെയര്‍പേഴ്‌സണ്‍ ദിവ്യ അനില്‍ കുമാറും ആന്റണി ആശാം പറമ്പിലും ചേര്‍ന്ന് ട്രോ ഫികള്‍ നല്‍കി.
നഗരസഭ ചെയര്‍പെഴ്‌സണ്‍ ദിവ്യ അനില്‍കുമാര്‍ അധ്യക്ഷത വഹിച്ച യോഗത്തില്‍ ഹൈബി ഈഡന്‍ എം.എല്‍.എ മുഖ്യ പ്രഭാഷണം നടത്തി. വള്ളംകളിയില്‍ 25 വര്‍ഷം പൂര്‍ത്തികരിച്ച ബാലകൃഷ്ണനെ ആദരിച്ചു. കൗണ്‍സിലര്‍മാരായ ജമീല മുഹമ്മദ്, ജിന്‍സണ്‍ പീറ്റര്‍, രതി ദിവാകരന്‍, ആര്‍.കെ.സുരേഷ് ബാബു, എം.വി ഉല്ലാസ്, ശരത്ചന്ദ്രന്‍, എ.എം മുഹമ്മദ് എന്നിവര്‍ സംസാരിച്ചു.