പൂച്ചാക്കല്‍: തെരുവുനായകള്‍ ആക്രമിക്കാനെത്തിയതിനെ തുടര്‍ന്ന് വേഗം കൂട്ടിയ സൈക്കിള്‍ യാത്രികന് വീണു പരുക്ക്. തൈക്കാട്ടുശേരി സ്രാമ്പിക്കല്‍ നെന്‍മണിമുറ്റം അപ്പച്ചനാണ് (51) പരുക്കേറ്റത്.
കഴിഞ്ഞ രാത്രി പാണാവള്ളി നീലംകുളങ്ങര ജംക്ഷനു സമീപമായിരുന്നു അപകടം. പാചകത്തൊഴിലാളിയായ അപ്പച്ചന്‍ പാണാവള്ളിയിലെ ജോലിക്കുശേഷം വീട്ടിലേക്കു പോകുന്നതിനിടെ അഞ്ചിലധികമുള്ള തെരുവു നായ സംഘം കുരച്ചുകൊണ്ട് ആക്രമിക്കാനായി അപ്പച്ചന്റെ സൈക്കിളിനെ പിന്തുടര്‍ന്നു. ഇതില്‍ ഭയന്ന് സൈക്കിള്‍ വേഗം കൂട്ടുന്നതിനിടെ റോഡില്‍ വീഴുകയായിരുന്നു. മുഖത്തിനും കൈകാലുകള്‍ക്കും പരുക്കുണ്ട്. വീണതിനെ തുടര്‍ന്ന് തെരുവുനായകള്‍ ഓടിക്കളഞ്ഞു. പിന്നാലെയെത്തിയ സഹപ്രവര്‍ത്തകരാണ് അപ്പച്ചനെ ആശുപത്രിയിലെത്തിച്ചത്.