ദോഹ: ഖത്തറിലെ യുവപ്രതിഭകളെ പിന്തുണയ്ക്കുന്നതിനായി പ്രമുഖ ഓണ്‍ലൈന്‍ ഡെലിവറി പ്ലാറ്റ്‌ഫോമായ തലബാത്ത് (talabat) പുതിയ പദ്ധതി പ്രഖ്യാപിച്ചു. ഖത്തര്‍ ഫൗണ്ടേഷനില്‍ (Qatar Foundation) നിന്ന് വിദ്യാഭ്യാസ വായ്പയെടുത്ത് പഠനം പൂര്‍ത്തിയാക്കിയ ബിരുദധാരികള്‍ക്ക് തലബാത്തില്‍ ജോലി ചെയ്തുകൊണ്ട് തങ്ങളുടെ വായ്പ തിരിച്ചടയ്ക്കാനുള്ള സൗകര്യമാണ് ഒരുങ്ങുന്നത്.
ബിരുദ പഠനകാലത്ത് ലോണ്‍ എടുത്ത വിദ്യാര്‍ത്ഥികള്‍ക്ക് ജോലിയില്‍ പ്രവേശിക്കുമ്പോള്‍ സാമ്പത്തിക ഭാരം കുറയ്ക്കാന്‍ ഖത്തര്‍ ഫൗണ്ടേഷന്റെ 'സ്റ്റുഡന്റ് ഫിനാന്‍ഷ്യല്‍ സര്‍വീസസ്' രൂപകല്‍പ്പന ചെയ്ത പദ്ധതിയാണിത്. ഖത്തര്‍ ഫിനാന്‍ഷ്യല്‍ സെന്ററിന്റെ ലൈസന്‍സുള്ള സ്ഥാപനമായതിനാല്‍, തലാബാത്തിനെ ഈ പദ്ധതിയുടെ അംഗീകൃത സേവന ദാതാവായി നിശ്ചയിച്ചിട്ടുണ്ട്. 2025ല്‍ ഉള്‍പ്പെടെ മൂന്ന് തവണ 'ഗ്രേറ്റ് പ്ലേസ് ടു വര്‍ക്ക്' (Great Place to Work) അംഗീകാരം നേടിയ തലാബാത്തിന്റെ മികച്ച തൊഴില്‍ സാഹചര്യം യുവാക്കള്‍ക്ക് പ്രയോജനപ്പെടുത്താം.

യുവതലന്തുകളെ പിന്തുണയ്ക്കുന്നത് തലാബാത്തിന്റെ പ്രധാന മൂല്യങ്ങളില്‍ ഒന്നാണെന്ന് തലാബാത്ത് ഖത്തര്‍ മാനേജിംഗ് ഡയറക്ടര്‍ ഫ്രാന്‍സിസ്‌കോ മിഗ്വല്‍ ഡി സൂസ പറഞ്ഞു. ഖത്തര്‍ ഫൗണ്ടേഷന്റെ ഈ പദ്ധതിയില്‍ പങ്കാളികളാകുന്നതിലൂടെ ബിരുദധാരികള്‍ക്ക് ആത്മവിശ്വാസത്തോടെ കരിയര്‍ ആരംഭിക്കാനുള്ള പാതയൊരുക്കുകയാണെന്നും അദ്ദേഹം കൂട്ടിച്ചേര്‍ത്തു. ഇന്നൊവേഷനും കരിയര്‍ വളര്‍ച്ചയും ലക്ഷ്യമിടുന്ന ഉദ്യോഗാര്‍ത്ഥികള്‍ക്ക് തലാബാത്തിനെ ഒരു മികച്ച തൊഴിലിടമായി തിരഞ്ഞെടുക്കാം.

എങ്ങനെ അപേക്ഷിക്കാം?

തലാബാത്തിൽ ജോലി ചെയ്യാൻ താല്പര്യമുള്ള ബിരുദധാരികൾക്ക് താഴെ പറയുന്ന ലിങ്ക് വഴി അപേക്ഷിക്കാവുന്നതാണ്: 🔗 careers.deliveryhero.com/talabat

ഉപഭോക്താക്കൾക്ക് തലാബാത്ത് ആപ്പ് iOS ആപ്പ് സ്റ്റോർ, ഗൂഗിൾ പ്ലേ സ്റ്റോർ അല്ലെങ്കിൽ ഹുവാവേ ആപ്പ് ഗാലറി എന്നിവയിൽ നിന്ന് ഡൗൺലോഡ് ചെയ്യാം.

ALSO READ: യുഎഇ വിദേശ സര്‍ട്ടിഫിക്കറ്റ് അറ്റസ്റ്റേഷന്‍: ഓണ്‍ലൈനായി അപേക്ഷിക്കേണ്ട വിധം | Step by Step Guide

English Summary: talabat, the leading on-demand delivery platform in the MENA region, is proud to reaffirm its commitment to supporting young talent in Qatar. talabat is recognised as an approved provider of paid service opportunities due to its licensing by the Qatar Financial Centre (QFC) which allows Qatar Foundation graduates who received student loans during their undergraduate studies to repay those loans by working at talabat .