കൊല്ലം: സി.പി.എം കൊല്ലം ജില്ലാ കമ്മിറ്റി അംഗം സുജ ചന്ദ്രബാബു മുസ്‌ലിം ലീഗില്‍ ചേര്‍ന്നു.30 വര്‍ഷത്തെ സി.പി.എം ബന്ധം ഉപേക്ഷിച്ചുകൊണ്ടാണ് സുജ ചന്ദ്രബാബു ലീഗിലെത്തിയത്. പാണക്കാട് സാദിഖ് അലി തങ്ങള്‍ സുജയെ ഷാള്‍ അണിയിച്ച് സ്വീകരിച്ചു.

മുന്ന് തവണ അഞ്ചല്‍ ഗ്രാമപഞ്ചായത്ത് പ്രസിഡന്റ് ആയിരുന്നു സുജ. കൂടാതെ, മഹിളാ അസോസിയേഷന്‍ സംസ്ഥാന എക്‌സിക്യൂട്ടീവ് അംഗവുമായിരുന്നു.

അതേസമയം, സി.പി.എമ്മിന്റെ നിലപാടുകളില്‍ പ്രതിഷേധിച്ചാണ് പാര്‍ട്ടി വിട്ടതെന്നും ഒരു വാഗ്ദാനവും ഇല്ലാതെയാണ് ലീഗിലേക്ക് വന്നതെന്നും സുജ ചന്ദ്രബാബു പ്രതികരിച്ചു. പുറമെ പറയുന്നതുപോലെ മതനിരപേക്ഷതയല്ല സി.പി.എമ്മിലുള്ളതെന്നും അവര്‍ പറഞ്ഞു. 

ALSO READ: സുപ്രീം കോടതിയില്‍ ലോ ക്ലര്‍ക്ക്; ലക്ഷങ്ങളാണ് ശമ്പളം; 90 ഒഴിവുകളിലേക്ക് അപേക്ഷ ഫെബ്രുവരി 07 വരെ

ലീഗ് എല്ലാവരെയും ഒരുപോലെ കൊണ്ടുപോകുന്ന പ്രസ്ഥാനമാണെന്നും ഐഷാ പോറ്റി പറഞ്ഞ കാര്യങ്ങളില്‍ അതേ നിലപാടാണ് ഉള്ളതെന്നും അവര്‍ പറഞ്ഞു. അടുത്തിടെയാണ് കൊട്ടാരക്കര മുന്‍ എം.എല്‍.എ ഐഷ പോറ്റി സി.പിഎം വിട്ട് കോണ്‍ഗ്രസില്‍ ചേര്‍ന്നത്. 

CPM Kollam district committee member Suja Chandrababu has joined the Indian Union Muslim League, ending her three-decade-long association with the Communist Party of India (Marxist). She was formally welcomed into the League by Panakkad Sadiq Ali Thangal, who draped a shawl over her.