കോട്ടയം: എസ്എൻഡിപിയുമായുള്ള ഐക്യത്തിൽ നിന്നും പിന്മാറി എൻഎസ്എസ്. പെരുന്നയിൽ എൻഎസ്എസ് ബോർഡ് ചേർന്ന യോഗത്തിലാണ് ഐക്യം പ്രായോഗികമല്ലെന്ന തീരുമാനം. ഐക്യനീക്കം എൻഎസ്എസ് ഡയറക്ടർ ബോർഡ് തള്ളുകയും ചെയ്തു. വാർത്താക്കുറിപ്പിലൂടെയാണ് എൻഎസ്എസ് ഇക്കാര്യം അറിയിച്ചത്. 

പലതവണ എൻഎസ്എസ്-എസ്എൻഡിപി ഐക്യശ്രമം വിജയിക്കാത്ത സാഹചര്യത്തിൽ വീണ്ടും ഒരു ഐക്യം ഇപ്പോഴത്തെ രാഷ്ട്രീയ സാഹചര്യത്തിൽ പരാജയം ആകുമെന്ന് എൻഎസ്എസ് വ്യക്തമാക്കി.

എൻഎസ്എസിന്റെ അടിസ്ഥാന മൂല്യങ്ങളിൽ നിന്നും വ്യതിചലിക്കാൻ സാധിക്കില്ലെന്നും അതിനാൽ വീണ്ടും ഐക്യം പ്രായോഗികമല്ലെന്നും എൻഎസ്എസിനോട് എല്ലാ രാഷ്ട്രീയ പാർട്ടികളോടും സമദൂര നിലപാടാണ് ഉള്ളതെന്നും മറ്റെല്ലാ സമുദായങ്ങളോടും പോലെ എസ്എൻഡിപിയോടും സമവായത്തിൽ വർത്തിക്കാനാണ് എസ്എൻഎസ്എസ് ആഗ്രഹിക്കുന്നതെന്നും വാർത്താക്കുറുപ്പിൽ ജനറൽ സെക്രട്ടറി ജി സുകുമാരൻ നായർ അറിയിച്ചു.