ന്യൂഡല്‍ഹി: ബലാത്സംഗ പരാതിയില്‍ മലപ്പുറം മുന്‍ എസ്.പി സുജിത് ദാസ് ഉള്‍പ്പെടെ മൂന്ന് പൊലിസ് ഉദ്യോഗസ്ഥര്‍ക്ക് സുപ്രിംകോടതിയുടെ അനുകൂല വിധി. സുജിത് ദാസ്, തിരൂര്‍ മുന്‍ ഡി.വൈ.എസ്.പി ബെന്നി വി വി, പൊന്നാനി മുന്‍ സി.ഐ വിനോദ് എന്നിവര്‍ക്കെതിരെ ബലാത്സംഗ കേസ് എടുക്കുന്നതിന് മുമ്പ് പൊലിസ് റിപ്പോര്‍ട്ട് പരിഗണിക്കണമോ എന്ന് മജിസ്ട്രേറ്റ് കോടതിക്ക് തീരുമാനിക്കാമെന്ന് സുപ്രിം കോടതി പറഞ്ഞു. ജസ്റ്റിസ് ദീപാങ്കര്‍ ദത്ത, ദസ്റ്റിസ് മന്‍മോഹന്‍ എന്നിവരടങ്ങുന്ന സുപ്രിംകോടതി ബെഞ്ച് ആണ് ഉത്തരവിട്ടത്. 

2022 ഒക്ടോബറില്‍ സ്വത്തുതര്‍ക്കവുമായി ബന്ധപ്പെട്ട് പൊന്നാനി സ്റ്റേഷനില്‍ ഇവര്‍ പരാതി നല്‍കിയിരുന്നു. ഇതേക്കുറിച്ച് അന്വേഷിക്കാന്‍ വീട്ടിലെത്തിയ ഇന്‍സ്‌പെക്ടര്‍ പീഡിപ്പിച്ചെന്നാണ് ആരോപണം. ഇതുസംബന്ധിച്ച് പരാതി നല്‍കിയപ്പോള്‍ അന്നത്തെ തിരൂര്‍ ഡി.വൈ.എസ്.പി. സ്ത്രീത്വത്തെ അപമാനിക്കുന്ന രീതിയില്‍ സംസാരിച്ചെന്നും ഏതാനും ദിവസങ്ങള്‍ക്കുശേഷം ഉപദ്രവിച്ചെന്നും പരാതിക്കാരി ആരോപിക്കുന്നു. ഇരുവര്‍ക്കുമെതിരേ പരാതി നല്‍കാന്‍ അന്നത്തെ മലപ്പുറം ജില്ലാ പോലീസ് മേധാവിയെ സമീപിച്ചെന്നും അദ്ദേഹം വീട്ടിലേക്ക് വിളിച്ചുവരുത്തി ഉപദ്രവിച്ചെന്നും ഇവര്‍ ആരോപിച്ചു. സുജിത്ദാസിനെതിരേ രംഗത്തുവരാന്‍ ധൈര്യംപകര്‍ന്നത് പി.വി. അന്‍വര്‍ എം.എല്‍.എ.യാണെന്നും പരാതിക്കാരി പറഞ്ഞിരുന്നു.

ALSO READ: എലത്തൂരിലേത് ആത്മഹത്യയല്ല, ആസൂത്രിത കൊലപാതകം: ഒന്നിച്ച് മരിക്കാമെന്ന് വിശ്വസിപ്പിച്ച് യുവതിയെ കൊലപ്പെടുത്തിയ സുഹൃത്ത് പിടിയില്‍

വീട്ടമ്മയുടെ പരാതി അടിസ്ഥാന രഹിതമാണെന്നത് സംബന്ധിച്ച റിപ്പോര്‍ട്ട് പൊലിസ് നേരത്തെ ഹൈക്കോടതിയില്‍ നല്‍കിയിരുന്നു. പീഡനം നടന്ന സ്ഥലം, സമയമടക്കമുള്ള കാര്യങ്ങളില്‍ വീട്ടമ്മ കൃത്യമായ മറുപടി നല്‍കിയിട്ടില്ലെന്നായിരുന്നു റിപ്പോര്‍ട്ട്. പൊലിസ് റിപ്പോര്‍ട്ട് ഉന്നത പൊലിസ് ഉദ്യോഗസ്ഥര്‍ക്ക് സമര്‍പ്പിച്ചെന്നും ഇതിന്റെ കൂടി അടിസ്ഥാനത്തിലാണ് അന്വേഷണം വേണ്ടെന്ന് വെച്ചതുമാണ് സര്‍ക്കാര്‍ കോടതിയെ അറിയിച്ചത്. എന്നാല്‍ സര്‍ക്കാര്‍ വാദം തള്ളിയ ഹൈക്കോടതി സിംഗിള്‍ ബെഞ്ച്  പൊന്നാനി മജിസ്ട്രേറ്റ് കോടതിയോട് പൊലിസുകാര്‍ക്കെതിരേ കേസെടുക്കാന്‍ ഉത്തരവിടുകയായിരുന്നു.

The Supreme Court has delivered a verdict favourable to former Malappuram Superintendent of Police Sujith Das and two other police officers in connection with a rape complaint. The apex court ruled that a magistrate has the discretion to decide whether to consider a police report before taking cognisance of a rape case against police officers.