തലക്കുളത്തൂര്‍: സി.എം.എം ഹയര്‍ സെക്കന്‍ഡറി സ്‌കൂളിലെ എന്‍.എസ്.എസ് വളണ്ടിയര്‍മാര്‍ കളിപ്പാട്ടങ്ങളുമായി കൊച്ചു കൂട്ടുകാര്‍ക്കിടയിലേക്ക് ഓണം ആഘോഷിക്കാനെത്തി. സാമൂഹിക പ്രവര്‍ത്തനത്തിന് വേണ്ടി ഈ വര്‍ഷം ദത്തെടുത്ത ഗ്രാമത്തിലെ പുറക്കാട്ടിരി ചുനയില്‍കുന്ന് അങ്കണവാടിയിലാണ് ഇവര്‍ ഒത്ത് ചേര്‍ന്നത്.
പഞ്ചായത്ത് പ്രസിഡന്റ് പ്രകാശന്‍ മാസ്റ്റര്‍ ചടങ്ങ് ഉ്ഘാടനം ചെയ്തു. ചടങ്ങില്‍ പഞ്ചായത്തംഗം യു. പ്രദീപ്കുമാര്‍ അധ്യക്ഷനായി.  പ്രിന്‍സിപ്പല്‍ ശ്രീമതി ഫാത്തിമ ഹന്ന ഹഗര്‍, മുഹമ്മദ് ഷഫീന്‍, വി.ടി അനുപമ സംസാരിച്ചു.