ആഭ്യന്തര ക്രിക്കറ്റിൽ സമീപകാലങ്ങളിൽ മികച്ച പ്രകടനം നടത്തുന്ന താരമാണ് സർഫറാസ് ഖാൻ. മികച്ച പ്രകടനങ്ങൾ കാഴ്ചവെച്ചിട്ടും ഇന്ത്യൻ ടീമിൽ വേണ്ടത്ര അവസരം താരത്തിന് അവസരം ലഭിച്ചിട്ടില്ല. ഇപ്പോഴിതാ സർഫറാസ് ഖാൻ ഇന്ത്യൻ ടീമിൽ അവസരം അർഹിക്കുന്നുണ്ടെന്ന് തുറന്നു പറഞ്ഞിരിക്കുകയാണ് മുൻ ഇന്ത്യൻ നായകൻ മുഹമ്മദ് അസ്ഹറുദ്ദീൻ. എല്ലാ ഫോർമാറ്റുകളിലും റൺസ് നേടാൻ സർഫറാസിന് കഴിയുമെന്നും വീണ്ടും ടീമിൽ അവസരം ലഭിക്കുമെന്ന് തനിക്ക് ഉറപ്പുണ്ടെന്നുമാണ് മുൻ ഇന്ത്യൻ നായകൻ പറഞ്ഞത്. 

''ഇന്ത്യക്കായി കളിക്കാൻ അവൻ മറ്റൊരു അവസരം കൂടി അർഹിക്കുന്നുണ്ട്. എല്ലാ ഫോർമാറ്റുകളിലും സാഹചര്യങ്ങളിലും അവൻ റൺസ് നേടിയിട്ടുണ്ട്. ടീമിന് ശക്തമായ ആക്രമണാത്മക താരങ്ങളെ ആവശ്യമാണ്. നിങ്ങൾ മികച്ച പ്രകടനം നടത്തുകയും ടീമിലേക്ക് തെരഞ്ഞെടുക്കപ്പെടാതിരിക്കുകയും ചെയ്യുമ്പോൾ അത് വളരെ നിരാശാജനകമായിരിക്കും. അവന് വീണ്ടും അവസരം ലഭിക്കുമെന്ന് എനിക്ക് ഉറപ്പുണ്ട്'' മുഹമ്മദ് അസ്ഹറുദ്ദീൻ സ്റ്റാർ സ്പോർട്സിലൂടെ പറഞ്ഞു. 

2025ൽ ന്യൂസിലാലാൻഡിനെതിരായ ടെസ്റ്റ് പരമ്പരയിൽ 150 റൺസ് നേടിയ സർഫ്രാസിന്റെ പ്രകടനം ഏറെ ശ്രദ്ധിക്കപ്പെട്ടിരുന്നു. എന്നാൽ അതിന് ശേഷം ബോർഡർ ഗവാസ്‌കർ ട്രോഫിയിൽ ഓസ്‌ട്രേലിയക്കെതിരെ ഒരു മത്സരത്തിൽ പോലും താരം കളിച്ചിരുന്നില്ല. കഴിഞ്ഞ രണ്ട് മാസങ്ങൾക്കുള്ളിൽ 17 കിലോഗ്രാം ഭാരം കുറച്ചുകൊണ്ട് സർഫറാസ് ഖാൻ ശ്രദ്ധ നേടിയിരുന്നു. താരത്തിന്റെ ഭാരം കുറച്ചുകൊണ്ടുള്ള ചിത്രങ്ങൾ സോഷ്യൽ മീഡിയയിൽ വൈറൽ ആവുകയും ചെയ്തിരുന്നു. 

അടുത്തിടെ രഞ്ജി ട്രോഫിയിൽ ഇരട്ട സെഞ്ച്വറി നേടി സർഫറാസ് ഖാൻ തിളങ്ങിയിരുന്നു. ഹൈദരാബാദിനെതിരെയുള്ള മത്സരത്തിലാണ് മുംബൈ താരമായ സർഫറാസ് ഖാൻ ഡബിൾ സെഞ്ച്വറി നേടിയത്. 219 പന്തിൽ 227 റൺസാണ് താരം സ്വന്തമാക്കിയത്. 19 ഫോറുകളും ഒമ്പത് സിക്സുകളും അടങ്ങുന്നതാണ് താരത്തിന്റെ പ്രകടനം. 

വിജയ് ഹസാരെ ട്രോഫിയിലും മുംബൈക്കായി മിന്നും പ്രകടനമാണ് താരം പുറത്തെടുത്തത്. ഗോവക്കെതിരെ 157 റൺസ് നേടിയാണ് സർഫറാസ് ഖാൻ തിളങ്ങിയത്. വെറും 75 പന്തുകളിൽ നിന്നുമാണ് താരം ഇത്രയധികം റൺസ് അടിച്ചുകൂട്ടിയത്. ഒമ്പത് ഫോറുകളും 14 കൂറ്റൻ സിക്സുകളും അടങ്ങുന്നതാണ് സർഫറാസ് ഖാന്റെ പ്രകടനം.

Sarfaraz Khan has been performing well in domestic cricket in recent times. Despite his good performances, the player has not been given enough opportunities in the Indian team. Now, former Indian captain Mohamed Asarudheen has openly said that Sarfaraz Khan deserves a chance in the Indian team. The former Indian captain said that Sarfaraz can score runs in all formats and he is confident that he will get a chance in the team again.