ചെന്നൈ: ഹിന്ദി ഭാഷ അടിച്ചേല്‍പ്പിക്കാനുള്ള കേന്ദ്ര സര്‍ക്കാര്‍ നീക്കത്തിനെതിരെ വിടുതലൈ ചിരുത്തൈഗല്‍ കച്ചി (വിസികെ) നേതാവ് തോല്‍ തിരുമാവളവന്‍. ഭാഷാ സമരകാലത്ത് ജീവന്‍ നല്‍കിയ രക്തസാക്ഷികളാണ് തമിഴ് ഭാഷ ഇന്നും സജീവമായി നിലനില്‍ക്കാന്‍ കാരണമെന്ന് അദ്ദേഹം പറഞ്ഞു. ഹിന്ദി അടിച്ചേല്‍പ്പിക്കപ്പെട്ടിരുന്നെങ്കില്‍ തമിഴ് ഭാഷയുടെ പൈതൃകം എന്നന്നേക്കുമായി നഷ്ടപ്പെടുമായിരുന്നെന്നും അദ്ദേഹം ചൂണ്ടിക്കാട്ടി.

'' ഹിന്ദി ഭാഷ പഠിച്ചാല്‍ കൂടുതല്‍ തൊഴിലവസരങ്ങള്‍ ലഭിക്കുമെന്നാണ് കേന്ദ്ര സര്‍ക്കാര്‍ വാദം. എന്നാല്‍ ഹിന്ദി സംസാരിക്കുന്ന ബിഹാര്‍, മധ്യപ്രദേശ്, രാജസ്ഥാന്‍ തുടങ്ങിയ സംസ്ഥാനങ്ങളില്‍ നിന്നും ലക്ഷക്കണക്കിന് യുവാക്കള്‍ ജോലി തേടി തമിഴ്‌നാട്ടിലേക്ക് വരികയാണ്. ഹിന്ദി പഠിച്ചാല്‍ ജോലി കിട്ടുമെങ്കില്‍ അവര്‍ എന്തിനാണ് മറ്റ് സംസ്ഥാനങ്ങളിലേക്ക് കുടിയേറുന്നത്? വിസികെ നേതാവ് ചോദിച്ചു. 

ALSO READ: പ്രവാസികൾ ജാഗ്രതൈ! ഇന്ത്യയിൽ നിപ ഭീതി; യുഎഇയിൽ നിന്നുള്ള യാത്രക്കാർ ഇക്കാര്യങ്ങൾ അറിഞ്ഞിരിക്കണം 

ഹിന്ദി അധിനിവേശത്തിലൂടെ പ്രത്യേക സംസാകരവും, ചരിത്രവും തമിഴ് ജനതയുടെ മേല്‍ അടിച്ചേല്‍പ്പിക്കാനുള്ള ശ്രമങ്ങളാണ് കേന്ദ്രം നടത്തുന്നത്. ഭരണം പിടിച്ചെടുക്കാനും വടക്കേ ഇന്ത്യന്‍ സ്വാധീനം വര്‍ധിപ്പിക്കാനുമാണ് ഹിന്ദിയെ പ്രോത്സാഹിപ്പിക്കുന്നത്. ഹിന്ദി വിരുദ്ധ പോരാട്ടങ്ങള്‍ നടന്നുകൊണ്ട് തമിഴ്‌നാട്ടില്‍ ആര്‍എസ്എസ് രാഷ്ട്രീയത്തിന് വേരുറപ്പിക്കാന്‍ സാധിക്കാത്തത്. 

തമിഴ് രാഷ്ട്രീയത്തെക്കുറിച്ച് സംസാരിക്കുകയും എന്നാല്‍ ആര്‍എസ്എസ് അജണ്ട നടപ്പിലാക്കുകയും ചെയ്യുന്ന പുതിയ രാഷ്ട്രീയ കക്ഷികളെ കരുതിയിരിക്കണം. ജാതി നര്‍മാര്‍ജനത്തെ കുറിച്ച് സംസാരിക്കാതെ ജാതിയെ മഹത്വവല്‍ക്കരിക്കാനാണ് അവര്‍ ശ്രമിക്കുന്നത്. തോല്‍ തിരുമാവളവന്‍ കൂട്ടിച്ചേര്‍ത്തു. 

viduthalai chiruthaigal katchi (vck) leader thol thirumavalavan has spoken out against the central government’s move to impose the hindi language.