പെരിന്തല്‍മണ്ണ: ഓണത്തോടനുബന്ധിച്ച് നടത്തിയ വാഹന പരിശോധനയില്‍ പെരിന്തല്‍മണ്ണയില്‍10 ലിറ്റര്‍ വിദേശ മദ്യം പിടികൂടി. പെരിന്തല്‍മണ്ണ എക്‌സൈസ് വകുപ്പാണ് വിദേശ മദ്യം പിടികൂടിയത്. അരക്കുപറമ്പ് മാട്ടറക്കല്‍ തെക്കേക്കര റെജി(43) കീഴാറ്റൂര്‍ പരിയാരത്ത് വിജയന്‍(53) എന്നിവരെ പിടികൂടി.
ഓണത്തിനോടനുബന്ധിച്ച് പെരിന്തല്‍മണ്ണയിലും പരിസരങ്ങളിലും നടത്തിയ റെയ്ഡില്‍ ഇതുവരെ 20 അബ്കാരി കേസുകളും 75 പുകയില ഉല്‍പന്നങ്ങളുമായി ബന്ധപ്പെട്ട കേസുകളും 80 ലിറ്റര്‍ മദ്യം, 60 ലിറ്റര്‍ ചാരായം, 100 ലിറ്റര്‍ വാഷ്, 2150 പാക്കറ്റ് സിഗരറ്റ്, 150 വിദേശ സിഗരറ്റ് എന്നിവ പിടികൂടിയതായി എക്‌സൈസ് ഇന്‍സ്‌പെക്ടര്‍ ഉണ്ണികൃഷ്ണന്‍ അറിയിച്ചു.