മലപ്പുറം:  മലപ്പുറം ജില്ലാ ഗവ. സ്‌കൂള്‍ ടീച്ചേഴ്‌സ് സഹകരണ സംഘത്തിന്റെ നേതൃത്വത്തില്‍ എസ്.എസ്.എല്‍.സി, പ്ലസ്ടു പരീക്ഷകളില്‍ ഉന്നത വിജയം നേടിയവരെ അനുമോദിച്ചു.  കെ.എസ്.ടി.എ  കോണ്‍ഫറന്‍സ് ഹാളില്‍ നടന്ന യോഗം മലപ്പുറം മുനിസിപ്പല്‍ ചെയര്‍പേഴ്‌സണ്‍ സി.എച്ച് ജമീല  ഉദ്ഘാടനം ചെയ്തു.
 മുനിസിപ്പല്‍ കൗണ്‍സിലര്‍  വത്സല കുമാരി അധ്യക്ഷയായി.  എന്റെ പത്രം  പ്രചരണ പരിപാടി ഇ. എന്‍. മോഹന്‍ദാസ് നിര്‍വഹിച്ചു.  
സംഘത്തിന്റെ ജൂബിലിയോടനുബന്ധിച്ച്  അംഗങ്ങള്‍ക്കുള്ള ഉപഹാര വിതരണം കെ.എസ്.ടി.എ മുന്‍ സംസ്ഥാന ജനറല്‍ സെക്രട്ടറി സി . ഉസ്മാന്‍  നിര്‍വഹിച്ചു.  സംഘം പ്രസിഡന്റ് കെ. മുഹമ്മദ്, കെ. ബദറുന്നീസ,  ടി.കെ.എ ഷാഫി, ബേബി  മാത്യു,  കെ. വി. മനോഹരന്‍  എന്നിവര്‍ സംസാരിച്ചു.