മനാമ: ബഹ്‌റൈനിലെ കടല്‍ത്തീരങ്ങള്‍ പ്ലാസ്റ്റിക് മാലിന്യങ്ങളില്‍ നിന്ന് സംരക്ഷിക്കണമെന്ന ലക്ഷ്യത്തോടെ തെലുകു എകോ വാരിയേഴ്‌സ് എന്ന സംഘടന 'സ്വച്ച് ബഹ്‌റൈന്‍, എന്ന പേരില്‍ ശുചീകരണ പ്രവര്‍ത്തനം സംഘടിപ്പിച്ചു. സീഫ് ബീച്ചിലാണ് പരിപാടി നടന്നത്.

സ്വച്ഛ് ഭാരത് മിഷനില്‍ നിന്ന് പ്രചോദനം ഉള്‍ക്കൊണ്ടാണ് ഈ പ്രവര്‍ത്തനം നടത്തിയത്. ബീച്ചില്‍ ചിതറിക്കിടന്ന പ്ലാസ്റ്റിക് മാലിന്യങ്ങള്‍ സന്നദ്ധ പ്രവര്‍ത്തകര്‍ ശേഖരിച്ചു. പരിസ്ഥിതി സംരക്ഷണത്തിന്റെ പ്രാധാന്യം സമൂഹത്തില്‍ എത്തിക്കുക എന്നതാണ് പരിപാടിയുടെ പ്രധാന ലക്ഷ്യം.

ALSO READ: ആരോഗ്യ ടൂറിസം ശക്തമാക്കാന്‍ ബഹ്‌റൈനില്‍ പ്രത്യേക വിസയും നിയന്ത്രണ സമിതിയും

ബഹ്‌റൈന്‍ ബോഴ്‌സ് സിഇഒ ഷെയ്ഖ് ഖലീഫ ബിന്‍ ഇബ്രാഹിം അല്‍ ഖലീഫ പരിപാടിയില്‍ പങ്കെടുത്തു. സാമൂഹിക ഉത്തരവാദിത്ത പ്രവര്‍ത്തനങ്ങള്‍ക്ക് ഇത്തരമൊരു ശ്രമം മാതൃകയാണെന്ന് അദ്ദേഹം പറഞ്ഞു. വിവിധ സ്ഥാപനങ്ങളിലെ പ്രതിനിധികളും പ്രവാസി സമൂഹാംഗങ്ങളും പരിപാടിയില്‍ പങ്കാളികളായി.

പ്ലാസ്റ്റിക് ഉപയോഗം കുറയ്ക്കാനും കടല്‍പരിസ്ഥിതി സംരക്ഷിക്കാനും ഇത്തരത്തിലുള്ള പ്രവര്‍ത്തനങ്ങള്‍ തുടരുമെന്ന് സംഘാടകര്‍ അറിയിച്ചു.

Swachh Bahrain environmental initiative organised a beach cleanup drive in Manama to reduce plastic pollution and promote environmental awareness, with participation from community members and officials.