കൊച്ചി: ഫണ്ട് തട്ടിപ്പ് ആരോപണം ഉന്നയിച്ചതിന് പിന്നാലെ സി.പി.എമ്മില്‍ നിന്ന് പുറത്താക്കിയ പാര്‍ട്ടി കണ്ണൂര്‍ ജില്ലാ കമ്മിറ്റി മുന്‍ അംഗം വി കുഞ്ഞിക്കൃഷ്ണന് സംരക്ഷണം നല്‍കാന്‍ ഹൈക്കോടതി നിര്‍ദ്ദേശം. ഫെബ്രുവരി 4 ബുധനാഴ്ച്ച പയ്യന്നൂര്‍ ഗാന്ധി സ്‌ക്വയറില്‍ വച്ച് നടക്കുന്ന അദ്ദേഹത്തിന്റെ പുസ്തക പ്രകാശനത്തിനും സംരക്ഷണം നല്‍കണം. ഹരജിയില്‍ സി.പി.എം നേതാക്കള്‍ക്ക് കോടതി നോട്ടിസ് നല്‍കി. 

ജില്ലാ പൊലിസ് മേധാവിക്കും പയ്യന്നൂര്‍ എസ്.എച്ച്ഒയ്ക്കുമാണ് ഹൈക്കോടതി നിര്‍ദേശം നല്‍കിയിരിക്കുന്നത്.  

'നേതൃത്വത്തെ അണികള്‍ തിരുത്തണം' എന്ന തന്റെ പുസ്തകത്തിന്റെ പ്രകാശന ചടങ്ങിന് സംരക്ഷണം വേണമെന്നായിരുന്നു ആവശ്യം. ചടങ്ങ് തടസ്സപ്പെടുത്താന്‍ പാര്‍ട്ടി ശ്രമിക്കുന്നുണ്ടെന്നും,  തന്റെയും കുടുംബത്തിന്റെയും ജീവന് ഭീഷണിയുണ്ടെന്നും ഹരജിയില്‍ പറയുന്നു. 

The Kerala High Court has directed the police to provide protection to V. Kunjikrishnan, a former member of the CPM Kannur district committee who was expelled from the party after raising allegations of fund misappropriation. The court also ordered security arrangements for the release of his book scheduled to be held on February 4 at Gandhi Square in Payyannur.