തിരുവനന്തപുരം: നഗരത്തിലെ ഹോസ്റ്റലിൽ പന്ത്രണ്ട് വയസ്സുകാരിയെ പീഡിപ്പിച്ച കേസിൽ പ്രതിക്ക് 43 വർഷം കഠിനതടവ് വിധിച്ച് കോടതി. വെങ്ങാനൂർ സ്വദേശിയായ രാജനെ (56) ആണ് തിരുവനന്തപുരം അതിവേഗ പ്രത്യേക കോടതി ജഡ്‌ജി അഞ്ജു മീര ബിർള ശിക്ഷിച്ചത്. തടവുശിക്ഷയ്ക്ക് പുറമെ 40,000 രൂപ പിഴയും കോടതി വിധിച്ചിട്ടുണ്ട്.

സംഭവം ഇങ്ങനെ

2021 സെപ്റ്റംബർ 30-നും ഒക്ടോബർ 15-നും ഇടയിലാണ് കേസിനാസ്‌പദമായ സംഭവം നടന്നത്.നഗരത്തിലെ ഒരു ഹോസ്റ്റലിൽ ക്ലീനറായിരുന്നു പ്രതി. ആരുമില്ലാത്ത സമയത്ത് മിഠായി നൽകാമെന്ന് പറഞ്ഞ് പ്രലോഭിപ്പിച്ച് കുട്ടിയെ ശൗചാലയത്തിൽ എത്തിച്ചായിരുന്നു പീഡനം.പ്രതിയുടെ ഭീഷണി ഭയന്ന് കുട്ടി ആദ്യം വിവരം പുറത്തുപറഞ്ഞില്ല. എന്നാൽ രണ്ടാമത്തെ തവണ പീഡനത്തിന് ശേഷം കുട്ടി പരിഭ്രമിച്ച് നിൽക്കുന്നത് കണ്ട ഒരാൾക്ക് തോന്നിയ സംശയമാണ് സത്യം പുറത്തുകൊണ്ടുവന്നത്.

കോടതി വിധി:

പ്രതിക്ക് കോടതി  43 വർഷം കഠിനതടവും, പിഴയടച്ചില്ലെങ്കിൽ മൂന്ന് മാസം കൂടി അധിക തടവ് അനുഭവിക്കണം.പിഴത്തുകയും ലീഗൽ സർവീസ് അതോറിറ്റി നൽകുന്ന നഷ്ടപരിഹാരവും അതിജീവിതയ്ക്ക് നൽകാൻ കോടതി ഉത്തരവിട്ടു.

അന്വേഷണ സംഘം:

വഞ്ചിയൂർ പൊലിസ് ഇൻസ്പെക്‌ടർ വി.വി. ദിപിൻ, സബ് ഇൻസ്പെക്ടർ വിനീത എം.ആർ. എന്നിവരുടെ നേതൃത്വത്തിലാണ് കേസ് അന്വേഷിച്ചത്. പ്രോസിക്യൂഷന് വേണ്ടി സ്പെഷ്യൽ പബ്ലിക് പ്രോസിക്യൂട്ടർ അഡ്വ. ആർ.എസ്. വിജയ് മോഹൻ ഹാജരായി. വിചാരണ വേളയിൽ 13 സാക്ഷികളെ വിസ്തരിക്കുകയും 34 രേഖകൾ ഹാജരാക്കുകയും ചെയ്തു.