തൃശൂര്‍: ആറ്റൂരില്‍ വയോധികരായ സഹോദരിമാരുടെ കൂട്ട ആത്മഹത്യാശ്രമം. മണ്ഡലംകുന്ന് സ്വദേശികളായ ദേവകി (83) ജാനകി (80) സരോജനി (75) എന്നിവരെയാണ് ജീവനൊടുക്കാന്‍ ശ്രമിച്ച നിലയില്‍ കണ്ടെത്തിയത്. ഇതില്‍ സരോജിനി പിന്നീട് മരിച്ചു. മറ്റ് രണ്ടുപേരും ഗുരുതരാവസ്ഥയില്‍ ചികിത്സയിലാണ്. കീടനാശിനി കഴിച്ചാണ് മൂന്നുപേരും ജീവനൊടുക്കാന്‍ ശ്രമിച്ചത്. 

ഇന്ന് രാവിലെയാണ് മരണവിവരം പുറത്തറിയുന്നത്. അയല്‍വാസികളാണ് വീട്ടില്‍ അവശ നിലയില്‍ മൂവരെയും കണ്ടെത്തിയത്. നേരം പുലര്‍ന്ന് ഏറെ നേരമായിട്ടും മൂവരേയും പുറത്തേക്ക് കാണാത്തിനെ തുടര്‍ന്നാണ് അയല്‍വാസികള്‍ വീട്ടിലെത്തിയത്. വീട്ടിലെത്തിയപ്പോള്‍ മൂന്നുപേരെയും അബോധാവസ്ഥയില്‍ കണ്ടെത്തുകയായിരുന്നു.

ALSO READ: ഭാര്യയെ സംശയം; എല്ലാവരും ഉറങ്ങിയപ്പോള്‍ വീടിന് തീയിട്ട് ഭര്‍ത്താവ്; ഭാര്യയ്ക്കും മകനും പൊള്ളലേറ്റു

തുടര്‍ന്ന് ചെറുതുരുത്തി പൊലിസ് ഇടപെട്ട് സമീപത്തെ ആശുപത്രികളില്‍ പ്രവേശിപ്പിക്കുകയായിരുന്നു. എന്നാല്‍ സരോജിനി പിന്നീട് മരിക്കുകയായിരുന്നു. ജീവിത നൈരാശ്യമാണ് ആത്മഹത്യക്ക് കാരണമെന്ന് പറയുന്ന കുറിപ്പ് കണ്ടെത്തി. മൂന്നു പേരും അവിവാഹിതരാണ്.

Three elderly sisters allegedly attempted suicide by consuming pesticide at their residence in Athoor, Thrissur district. The incident involved Devaki (83), Janaki (80), and Sarojini (75), residents of Mandalamkunnu. Sarojini later succumbed, while the other two sisters are undergoing treatment in critical condition.