കൊൽക്കത്ത: മട്ടൻ സ്റ്റീക്കിന് പകരം ബീഫ് വിളമ്പിയെന്ന യൂട്യൂബറുടെ പരാതിയിൽ കൊൽക്കത്തയിലെ പ്രശസ്തമായ റെസ്റ്റോറന്റ് ജീവനക്കാരനെ പൊലിസ് അറസ്റ്റ് ചെയ്തു. കൊൽക്കത്ത പാർക്ക് സ്ട്രീറ്റിലെ 'ഒളിപബ്' (Olypub) ബാർ ആൻഡ് റെസ്റ്റോറന്റിലാണ് സംഭവം നടന്നത്. നടനും സോഷ്യൽ മീഡിയ ഇൻഫ്ലുവൻസറുമായ സായക് ചക്രവർത്തി എന്നയാൾ നൽകിയ പരാതിയിലാണ് നടപടി.

ALSO READ: എസ്.ഐ.ആർ പരിശോധനയെന്ന വ്യാജേന സ്ത്രീവേഷത്തിലെത്തി വീട്ടമ്മയെ തല്ലിച്ചതച്ചു; മലപ്പുറത്ത് പട്ടാപ്പകൽ സ്വർണ്ണക്കവർച്ച

കഴിഞ്ഞ വെള്ളിയാഴ്ചയാണ് സായക് ചക്രവർത്തിയും രണ്ട് സുഹൃത്തുക്കളും റെസ്റ്റോറന്റിലെത്തിയത്. ഇവർ മട്ടൻ സ്റ്റീക്ക് ഓർഡർ ചെയ്തു. ആദ്യം വിളമ്പിയ വിഭവം മട്ടൻ ആണെന്ന കരുതി ഇവർ പൂർണ്ണമായും കഴിച്ചു. എന്നാൽ രണ്ടാമത്തെ വിഭവം എത്തിയപ്പോഴാണ് രുചി വ്യത്യാസം ശ്രദ്ധയിൽപ്പെട്ടതെന്നും, ആദ്യം കഴിച്ചത് ബീഫാണെന്ന് തിരിച്ചറിഞ്ഞതെന്നും സായക് പറയുന്നു.

ALSO READ: പെൺസുഹൃത്തിന്റെ മരണം: ആശുപത്രിയിൽ പോയി മൃതദേഹം കണ്ട് മടങ്ങിയതിന് പിന്നാലെ സിവിൽ പൊലിസ് ഓഫീസർ ആത്മഹത്യ ചെയ്തു

ഞാൻ ഒരു ബ്രാഹ്മണനാണെന്ന് നിങ്ങൾക്കറിയാമോ? മട്ടൻ ചോദിച്ച എനിക്ക് നിങ്ങൾ ബീഫ് വിളമ്പിയത് എന്തിനാണ്? എന്ന് റെസ്റ്റോറന്റ് ജീവനക്കാരോട് ചോദിച്ച്കൊണ്ട് സായക് തർക്കിക്കുന്ന വീഡിയോ സമൂഹമാധ്യമങ്ങളിൽ പ്രചരിക്കുന്നുണ്ട്.

സംഭവത്തിന് പിന്നാലെ സായക് പാർക്ക് സ്ട്രീറ്റ് പൊലിസ് സ്റ്റേഷനിൽ പരാതി നൽകി. തുടർന്ന് റെസ്റ്റോറന്റിലെത്തിയ പൊലിസ് ഒരു ജീവനക്കാരന്റെ അറസ്റ്റ് രേഖപ്പെടുത്തി. ഇത് കേവലം ഒരു ആശയവിനിമയ പിഴവാണോ അതോ മനഃപൂർവ്വം ചെയ്തതാണോ എന്ന് പരിശോധിച്ചു വരികയാണെന്ന് പൊലിസ് അറിയിച്ചു. സ്ഥാപനത്തിലെ മറ്റ് ജീവനക്കാരെയും ചോദ്യം ചെയ്യും.

ALSO READ: കേരളത്തെ അപമാനിക്കാൻ സംഘപരിവാർ നീക്കം; 'ദ കേരള സ്റ്റോറി 2' നെതിരെ മന്ത്രി സജി ചെറിയാൻ; രാഷ്ട്രീയത്തിനതീതമായ പ്രതിരോധത്തിന് ആഹ്വാനം

സായക് ചക്രവർത്തി ആദ്യം തന്റെ സോഷ്യൽ മീഡിയ പേജുകളിൽ വീഡിയോ പങ്കുവെച്ചെങ്കിലും പിന്നീട് അത് നീക്കം ചെയ്തിരുന്നു. എന്നാൽ ബിജെപി നേതാവ് തരുൺജ്യോതി തിവാരി ഈ വീഡിയോ പങ്കുവെച്ചതോടെ സംഭവം രാഷ്ട്രീയ ചർച്ചകൾക്കും വഴിവെച്ചു. റെസ്റ്റോറന്റിനെതിരെ ബിജെപി കടുത്ത വിമർശനവുമായി രംഗത്തെത്തിയിട്ടുണ്ട്.

Kolkata: Waiter Arrested for Serving Beef Instead of Mutton to YouTuber A staff member of the famous Olypub restaurant on Park Street, Kolkata, was arrested after Bengali actor and YouTuber Sayak Chakraborty alleged he was served beef instead of the mutton steak he had ordered.