റിയാദ്: അഞ്ചാമത് സഊദി മീഡിയ ഫോറം ഫെബ്രുവരി 2 മുതൽ 4 വരെ സൽമാൻ രാജാവിന്റെ രക്ഷാകർതൃത്വത്തിൽ റിയാദിൽ നടക്കും. 'രൂപപ്പെട്ടുകൊണ്ടിരിക്കുന്ന ലോകത്തെ മാധ്യമങ്ങൾ' എന്ന പ്രമേയത്തിലാണ് ഈ വർഷം ഫോറം നടക്കുക. സഊദി വിഷൻ 2030ന്റെ പ്രഖ്യാപനത്തിന്റെ പത്താം വാർഷിക വേളയിലായതിനാൽ ഇത്തവണത്തെ ഫോറത്തിന് വലിയ പ്രത്യേകതയുണ്ട്.

നാല് ഭൂഖണ്ഡങ്ങളിലെ 20ലധികം രാജ്യങ്ങളിൽ നിന്നായി 300ലേറെ മാധ്യമ നേതാക്കളും വിദഗ്ധരും ഫോറത്തിൽ പങ്കെടുക്കും. മാധ്യമങ്ങളുടെ ഭാവി, ഡിജിറ്റൽ പരിവർത്തനം, ആർട്ടിഫിഷ്യൽ ഇന്റലിജൻസ്, മാധ്യമരംഗത്തെ വിശ്വാസ്യതയും സ്വാധീനവും, വിനോദ മേഖലയിലെ സാമ്പത്തിക ശാസ്ത്രം, സ്റ്റോറി ടെല്ലിംഗിലെ പുതുമകളും അത്യാധുനിക നിർമാണ രീതികളും, ക്രൈസിസ് കമ്മ്യൂണിക്കേഷൻ, നിക്ഷേപ അവസരങ്ങൾ തുടങ്ങി 150ലധികം സെഷനുകളിൽ ചർച്ച നടക്കും.

ALSO READ: താമസ-തൊഴിൽ നിയമലംഘനം; ഒരാഴ്ചയ്ക്കിടെ പിടിയിലായത് 19,975 പേർ, 14,000 പേരെ നാടുകടത്തി

ഫോറത്തിന്റെ ഭാഗമായി 14 വിഭാഗങ്ങളിലായി സഊദി മീഡിയ അവാർഡുകൾ വിതരണം ചെയ്യും. എറ്റവും വലിയ പ്രത്യേകത എന്തെന്നാൽ 'എഐ ഉപയോഗിച്ചുള്ള ഉള്ളടക്ക നിർമാണം' എന്ന വിഭാഗം ഉൾപ്പെടുത്തിയിട്ടുണ്ട് എന്നതാണ്. ഒപ്പം മാധ്യമ സാങ്കേതിക വിദ്യയിലെ നൂതനമായ ഉൽപ്പന്നങ്ങൾ പ്രദർശിപ്പിക്കുന്ന 'ഫ്യൂച്ചർ ഓഫ് മീഡിയ എക്സിബിഷനും' ഫോറത്തിന്റെ ഭാ​ഗമായി നടക്കുമെന്നും അധികൃതർ അറിയിച്ചു. സഊദി മീഡിയ ഇന്നൊവേഷൻ ക്യാമ്പ്, ഐഡിയ ലാബ്, മീഡിയ അംബാസഡർ പ്രോഗ്രാം എന്നിവ സഊദിയിലെ യുവപ്രതിഭകളെ ശാക്തീകരിക്കാനും ഡിജിറ്റൽ സമ്പദ്‌വ്യവസ്ഥയെ രൂപപ്പെടുത്താനും സഹായിക്കുമെന്നും അധികൃതർ വ്യക്തമാക്കി. 

The 5th Saudi Media Forum in Riyadh will explore the future of media, featuring 300 global leaders and 150 sessions. Highlighting 10 years of Saudi Vision 2030, it introduces the first-ever AI content award.