സംസ്ഥാനത്ത് സ്വര്‍ണവിലയില്‍ വീണ്ടും ഇടിവ്. ഇന്ന് 3,680 രൂപയാണ് ഒരു പവന് മേല്‍ കുറഞ്ഞത്. നിലവില്‍ പവന്‍ വില 1,13,240 രൂപയും ഗ്രാമിന് 14,155 രൂപയുമാണ്. ഏറ്റവും കുറഞ്ഞ പണിക്കൂലിയായ 5 ശതമാനവും ജിഎസ്ടി മൂന്ന് ശതമാനവും ഹാള്‍മാര്‍ക്കിങ് ചാര്‍ജും ചേര്‍ത്താല്‍ ഇന്ന് ഒരു പവന്‍ സ്വര്‍ണാഭരണം വാങ്ങാന്‍ 1,30,000 രൂപയ്ക്ക് മുകളില്‍ നല്‍കണം.

ഇന്നലെ രണ്ട് തവണയാണ് സ്വര്‍ണവിലയില്‍ മാറ്റം സംഭവിച്ചത്. രാവിലെ ഗ്രാമിന് 605 രൂപയും പവന് 4,840 രൂപയും ഉയര്‍ന്നിരുന്നു. എന്നാല്‍ ഉച്ചയ്ക്ക് ശേഷം വില കുറഞ്ഞു. പവന് 800 രൂപയാണ് കുറഞ്ഞത്. അതോടെ വില 1,16,920 രൂപയിലേക്കെത്തിയിരുന്നു.