ന്യൂഡൽഹി: ചാനൽ ഷോയ്ക്കിടെ പ്രധാനമന്ത്രി നരേന്ദ്ര മോദിയെ ട്രോളി പ്രമുഖ നടി തപ്‌സി പന്നു. പ്രധാനമന്ത്രി നരേന്ദ്ര മോദിയുടെയും പ്രതിപക്ഷ നേതാവ് രാഹുൽ ഗാന്ധിയുടെയും ചിത്രം കാണിച്ച് നിങ്ങളുടെ പ്രിയപ്പെട്ട രാഷ്ട്രീയക്കാരൻ ആരാണെന്ന ചോദ്യത്തോട് പ്രതികരിക്കവെയാണ് അവർ രാജ്യം ഇന്നെത്തിപ്പെട്ട അവസ്ഥയെ തുറന്നുകാട്ടുംവിധം മോദിയെ ട്രോളിയത്.

കൂപ്പുകൈകളോടെ നരേന്ദ്ര മോദിയുടെ ചിത്രത്തിൽ തൊട്ട അവ‍ർ, അൽപ്പം പരിഹാസരൂപേണ പുഞ്ചിരിച്ച് തനിക്ക് ഇനിയും ഈ രാജ്യത്ത് ജീവിക്കണമെന്ന് പറയുകയായിരുന്നു. പുറത്തിറങ്ങാനിരിക്കുന്ന തന്റെ 'അസി' എന്ന ചിത്രത്തിന്റെ പ്രമോഷൻ പ്രവർത്തനങ്ങളുടെ തിരക്കിനിടെയാണ് ഫാസിസം ഇന്ത്യൻ ജനതയെ എത്രമേൽ ഭയപ്പാടിലാക്കിയിരിക്കുന്നെന്ന് തപ്‌സി പന്നു തുറന്നുകാട്ടിയത്.