ദോഹ: ഖത്തർ പൊലിസ് അക്കാദമിക്ക് കീഴിൽ ഡിപ്ലോമ കോഴ്‌സുകൾ വിജയകരമായി പൂർത്തിയാക്കിയ രണ്ടാമത് ബാച്ച് പൊലിസ് സയൻസ് വിദ്യാർഥികൾക്കും, ആദ്യ ബാച്ച് ഇന്റർനാഷനൽ ഫയർ സേഫ്റ്റി മാനേജ്‌മെന്റ് വിദ്യാർഥികൾക്കും ആഭ്യന്തര സഹമന്ത്രി ഷെയ്ഖ് അബ്ദുൽ അസീസ് ബിൻ ഫൈസൽ ബിൻ മുഹമ്മദ് അൽഥാനി സർട്ടിഫിക്കറ്റുകൾ വിതരണം ചെയ്തു. പൊലിസ് ഇൻസ്റ്റിറ്റ്യൂട്ടിൽ നിന്ന് പൊലിസ് സയൻസിൽ ഡിപ്ലോമ നേടിയ ആഭ്യന്തര മന്ത്രാലയത്തിലെ 107 പേർ, ലഖ്‌വിയയിലെ 30 അംഗങ്ങൾ, 17 വനിതാ ഉദ്യോഗസ്ഥർ എന്നിവർക്ക് സർട്ടിഫിക്കറ്റുകൾ നൽകി.

ALSO READ: ഭക്ഷ്യസുരക്ഷാ ലക്ഷ്യങ്ങളിലേക്ക് ഖത്തർ; നാല് വിഭാഗങ്ങളിലായി പുരസ്‌കാരം, നാമനിർദേശങ്ങൾ ഏപ്രിൽ മുതൽ

റാസ് ലഫാൻ എമർജൻസി ആൻഡ് സേഫ്റ്റി കോളേജിൽ നിന്ന് ഇന്റർനാഷനൽ ഫയർ സേഫ്റ്റി മാനേജ്‌മെന്റിൽ ഡിപ്ലോമ പൂർത്തിയാക്കിയ ആഭ്യന്തര മന്ത്രാലയത്തിലെ 9 പേർക്കും ഫലസ്തീനിൽ നിന്നുള്ള 3 സ്കോളർഷിപ്പ് വിദ്യാർഥികൾക്കും ബിരുദം നൽകി. ഏറെ വൈവിധ്യം നിറ‍ഞ്ഞതായിരുന്നു ഡിപ്ലോമ പ്രോഗ്രാമുകൾ. സ്പെഷ്യലൈസ്ഡ് കോഴ്സുകളും ഫീൽഡ് വിസിറ്റുകളും ചേർന്നതായിരുന്നു ഇവരുടെ കരിക്കുലം. ഉദ്യോഗസ്ഥരുടെ കഴിവുകൾ വർദ്ധിപ്പിക്കാനും ഏത് ദൗത്യവും മികവോടെ ചെയ്യാൻ അവരെ സജ്ജരാക്കാനും ലക്ഷ്യമിട്ടാണ് ഈ കോഴ്സുകൾ സംഘടിപ്പിച്ചത്.

Qatar Police Academy celebrates the graduation of the 2nd batch of Police Sciences and the 1st batch of International Fire Safety Management diplomas. Minister of State for Interior Affairs awarded certificates to graduates from MOI, Lekhwiya, and Palestine.