ബംഗളൂരു: ഐ.പി.എല്ലില്‍ ബംഗളൂരുവിന്റെ തുടര്‍ തോല്‍വികളില്‍ പ്രിതകരണവുമായി ക്യാപ്റ്റന്‍ ഫാഫ് ഡുപ്ലസിസ്. വിരാട് കോഹ്ലി, ഗ്ലെന്‍ മാക്സ്വെല്‍ എന്നിവരുള്‍പ്പടെയുള്ള ബാറ്റിങ് നിരയോട് ഡുപ്ലസി അഭ്യര്‍ത്ഥനയുമായി രംഗത്തെത്തി.  വിജയിക്കാന്‍ കഴിയുന്ന ലക്ഷ്യമായിരുന്നു നമ്മുക്ക് മുമ്പില്‍ ഉണ്ടായിരുന്നത്. പവര്‍പ്ലേയില്‍ ബൗളര്‍മാര്‍ ഒരുപാട് റണ്‍സ് വിട്ടുകൊടുത്തു. 

എന്നിട്ടും 181 എന്ന സ്‌കോറില്‍ ലഖ്നൗവിനെ ഒതുക്കാന്‍ കഴിഞ്ഞു. 10 മുതല്‍ 15 വരെ റണ്‍സ് കുറവ് സ്‌കോറാണ് ലഖ്നൗവിന് നേടാനായതെന്ന് ഡുപ്ലെസിസ് ചൂണ്ടിക്കാട്ടി. അടുത്ത മത്സരം മുതല്‍ ബാറ്റിങ് യൂണിറ്റ് കൂടുതല്‍ ഉത്തരവാദിത്തം കാണിക്കണം. എങ്കില്‍ ടീമിന് പോസ്റ്റീവായ റിസല്‍ട്ടുണ്ടാകും സുപ്ലസിസ് കൂട്ടിച്ചേര്‍ത്തു.