മക്ക: സഊദി ഹജ്ജ്-ഉംറ മന്ത്രാലയം 'ഉംറ ആൻഡ് വിസിറ്റ് ഗൈഡ്' പുറത്തിറക്കി. ഉംറ തീർഥാടകർക്കും സന്ദർശകർക്കും ഇനി മാർഗ്ഗനിർദേശങ്ങൾ എളുപ്പത്തിൽ നൽകാൻ സാധിക്കും. മലയാളം ഉൾപ്പെടെ ലോകത്തിലെ പ്രധാനപ്പെട്ട 16 ഭാഷകളിലാണ് ഈ മാർഗ്ഗരേഖ ലഭ്യമാക്കിയിരിക്കുന്നത്. തീർഥാടകർക്ക് ഉംറ കർമ്മങ്ങൾ എളുപ്പമാക്കുകയാണ് ഇതിലൂടെ ലക്ഷ്യമിടുന്നത്.

ALSO READ: സുദാൻ മുതൽ അഫ്ഗാനിസ്ഥാൻ വരെ; ആറ് രാജ്യങ്ങളിൽ ഭക്ഷ്യസഹായമെത്തിച്ച് കെ.എസ് റിലീഫ് 

യാത്രയ്ക്ക് മുൻപുള്ള തയ്യാറെടുപ്പുകൾ, വിസ-പെർമിറ്റ് നടപടിക്രമങ്ങൾ, ഉംറ കർമ്മങ്ങൾ നിർവ്വഹിക്കേണ്ട രീതി തുടങ്ങി എല്ലാ കാര്യങ്ങളും ഉൾക്കൊള്ളുന്ന ഡിജിറ്റൽ ഗൈഡാണിത്. യാത്രയുടെ ഓരോ ഘട്ടത്തിലും ആവശ്യമായ വിവരങ്ങൾ ക്രമമായി നൽകുന്നതുകൊണ്ട് കർമ്മങ്ങൾ എളുപ്പമാകും. മാപ്പുകൾ, നിർദ്ദേശങ്ങൾ അടങ്ങിയ വീഡിയോകൾ, സപ്പോർട്ട് സർവിസുകൾ എന്നിവയിലേക്കുള്ള ഡിജിറ്റൽ ലിങ്കുകൾ ഉൾപ്പെടുത്തിയിട്ടുണ്ട്.

ഇഹ്‌റാം, ത്വവാഫ്, സ‌ഇ് എന്നിവയുടെ കൃത്യമായ രീതികളും ഇരു ഹറമുകളിലെയും മര്യാദകളും നൽകിയിട്ടുണ്ട്. 
മക്കയിലെ മസ്ജിദുൽ ഹറമിലും മദീനയിലെ മസ്ജിദുന്നബവിയിലുമുള്ള പ്രധാന സേവനങ്ങളെക്കുറിച്ചും മാർഗ്ഗനിർദ്ദേശങ്ങളെക്കുറിച്ചും ഗൈഡ് വ്യക്തമാക്കുന്നുണ്ട്. മന്ത്രാലയത്തിന്റെ ഔദ്യോഗിക വെബ്സൈറ്റായ www.haj.gov.sa/Guides സന്ദർശിച്ചാൽ ഈ സേവനങ്ങൾ അറിയാനും ഉപയോ​ഗപ്പെടുത്താനും സാധിക്കും. 

The Saudi Ministry of Hajj and Umrah has launched an interactive "Umrah and Visit Guide" in 16 languages, including Malayalam. This digital resource covers everything from visa procedures and rituals like Tawaf and Sa'i to essential services at the Two Holy Mosques, ensuring a smooth journey for pilgrims.