തിരുവനന്തപുരം: പി.എസ്.സി പരീക്ഷകള്‍ക്കുള്ള പ്രായപരിധി വര്‍ധിപ്പിച്ചു. ജനറല്‍ വിഭാഗത്തില്‍ 4 വയസുകൂട്ടി 40 വയസാക്കി ഉയര്‍ത്തി. എസ്.സി, എസ്.ടി വിഭാഗക്കാര്‍ക്ക് 45 വയസുവരെയും വര്‍ധിപ്പിച്ചു. നിയമസഭാ സമ്മേളനത്തിന് പിന്നാലെ ചേര്‍ന്ന കാബിനറ്റ് യോഗത്തിലാണ് തീരുമാനം. ജെബി കോശി കമ്മീഷന്‍ റിപ്പോര്‍ട്ടിന്റെ അടിസ്ഥാനത്തിലാണ് നടപടി. 

നേരത്തെ 36 വയസായിരുന്നു ജനറല്‍ വിഭാഗത്തില്‍ അപേക്ഷിക്കാനുള്ള പ്രായപരിധി. ഒബിസി വിഭാഗത്തിലും പ്രായപരിധി ഉയര്‍ത്തിയിട്ടുണ്ട്. 43 വയസുവരെയാണ് ഒബിസി കാറ്റഗറിയില്‍ പരിധി ഉയര്‍ത്തിയത്. പ്രായപരിധി മൂലം റാങ്ക് ലിസ്റ്റില്‍ കാലാവധി കഴിഞ്ഞ ഉദ്യോഗാര്‍ഥികള്‍ക്ക് നടപടി ആശ്വാസമാവും.

ALSO READ: സര്‍ക്കാര്‍ സ്ഥാപനത്തില്‍ ക്ലര്‍ക്ക്, സ്റ്റോര്‍ കീപ്പര്‍ തുടങ്ങി നിരവധി ഒഴിവുകള്‍; പത്താം ക്ലാസ് മുതല്‍ യോഗ്യത; ഇമെയില്‍ അയച്ച് അപേക്ഷിക്കാം  

നേരത്തെ എംപ്ലോയ്‌മെന്റ് എക്‌സ്‌ചേഞ്ച് വഴിയുള്ള നിയമനങ്ങള്‍ക്ക് പ്രായപരിധി ജനറല്‍ കാറ്റഗറിയില്‍ 40 വയസായി ഉയര്‍ത്തിയിരുന്നു. ആനുപാതികമായ വര്‍ധന മറ്റ് വിഭാഗങ്ങളിലും നടപ്പിലാക്കി. പങ്കാളിത്ത പെന്‍ഷന്‍ നടപ്പാക്കിയ ശേഷം ജോലിയില്‍ പ്രവേശിച്ചവരുടെ പെന്‍ഷന്‍ പ്രായം അറുപതാക്കിയിരുന്നു. ഈ സാഹചര്യത്തിലാണ് പി.എസ്.സി നിയമനങ്ങള്‍ക്കും പ്രായപരിധി കൂട്ടി സര്‍ക്കാര്‍ രംഗത്തെത്തിയത്.

age limit for psc exams has been increased. in the general category, it has been raised by 4 years to 40 years. for sc and st categories, it has been increased up to 45 years. the decision was taken in the cabinet meeting held after the assembly session.