റിയാദ്: സഊദി അറേബ്യയിലെ പൗരന്മാരുടെയും പ്രവാസികളുടെയും ആരോഗ്യ സംരക്ഷണം ലക്ഷ്യമിട്ട് ആരോഗ്യ മന്ത്രാലയത്തിന്റെ നേതൃത്വത്തിൽ 'ചെക്ക് യുവർ ഹെൽത്ത്' കാംപയിന് തുടക്കമായി. രാജ്യത്തിന്റെ ഏറ്റവും വലിയ പ്രതിരോധ ആരോഗ്യ കാംപയിനുകളിൽ ഒന്നാണിത്. സഊദി ആരോഗ്യ മന്ത്രിയായ ഫഹദ് അൽ-ജലാജൽ റിയാദിൽ പദ്ധതിയുടെ ഉദ്ഘാടനം നിർവ്വഹിച്ചു. രോ​ഗങ്ങൾ നേരത്തെ കണ്ടെത്തി പെട്ടന്ന് പ്രതിരോധിച്ച് ആരോ​ഗ്യം വീണ്ടെടുക്കാൻ പദ്ധതി സഹായിക്കും. 

പ്രധാന പരിശോധനകൾ

*രക്തസമ്മർദ്ദം 
*അമിതവണ്ണം
*വൻകുടലിലെ ക്യാൻസർ നേരത്തെ കണ്ടെത്തൽ 
*സ്തനാർബുദ പരിശോധന
മറ്റ് അടിസ്ഥാന ആരോഗ്യ പരിശോധനകളും പാക്കേജിൽ ഉൾപ്പെടുന്നു.

ALSO READ: ഈ വർഷത്തെ ഹജ്ജിന് നുസുക് വഴി രജിസ്ട്രേഷൻ ആരംഭിച്ചു; പാക്കേജുകൾ മാർച്ച് നാല് മുതൽ ബുക്ക് ചെയ്യാം, അപേക്ഷിക്കേണ്ടത് ഇങ്ങനെ

വാഹനത്തിൽ ഇരുന്നുകൊണ്ട് തന്നെ പരിശോധനകൾ നടത്താൻ കഴിയുന്ന 'ഡ്രൈവ്-ത്രൂ' സൗകര്യമാണ് ചെക്ക് യുവർ ഹെൽത്ത്' കാംപയിന്റെ ഏറ്റവും വലിയ പ്രത്യേകത. ഇതിലൂടെ പരിശോധനകൾ വേഗത്തിലാക്കാനും ലളിതമാക്കാനും സാധിക്കും. സഊദി വിഷൻ 2030ന്റെ പ്രധാന ലക്ഷ്യങ്ങളിലൊന്നാണ് ഈ കാംപയിനെന്ന് മന്ത്രി ഫഹദ് അൽ-ജലാജൽ എക്സിലൂടെ അറിയിച്ചു. വൻകുടൽ ക്യാൻസർ പരിശോധനകളിൽ കഴിഞ്ഞ ഒരു വർഷത്തിനിടെ 120 ശതമാനം വർധനവുണ്ടായത് ജനങ്ങൾക്കിടയിൽ വർധിച്ചു വരുന്ന അവബോധത്തിന്റെ തെളിവാണെന്നും അദ്ദേഹം കൂട്ടിച്ചേർത്തു. പൊതുജനങ്ങൾ കാംപയിനിന്റെ ഭാ​ഗമാകണമെന്ന് മന്ത്രാലയം ജനങ്ങളോട് ആഹ്വാനം ചെയ്തു.

The Saudi Ministry of Health has launched the "Check Your Health" campaign, the Kingdom's largest initiative for early disease detection, offering essential preventative tests via drive-through services.