പുന്നയൂര്‍ക്കുളം: പെരിയമ്പലം ബീച്ച് ഫെസ്റ്റ് ഇന്ന് മുതല്‍  ഈ മാസം 25 വരെ നടക്കുമെന്ന് പഞ്ചായത്ത് പ്രസിഡന്റ് എ.ഡി ധനീപ് വാര്‍ത്താ സമ്മേളനത്തിലറിയിച്ചു. ഇന്ന് വൈകിട്ട് അഞ്ചിന് സാംസ്‌കാരിക ഘോഷയാത്ര അണ്ടത്തോട് സെന്ററില്‍ നിന്നാരംഭിക്കും.
ബീച്ചില്‍ നടക്കുന്ന സമ്മേളനം മന്ത്രി വി.എസ് സുനില്‍കുമാര്‍ ഉദ്ഘാടനം ചെയ്യും. കെ.വി അബ്ദുല്‍ഖാദര്‍ എം.എല്‍.എ അധ്യക്ഷനാകും. രാത്രി ഗാനമേള, നാളെ നാലിനു 'മൈലാഞ്ചി മൊഞ്ചി'ല്‍ മൈലാഞ്ചിയിടല്‍ മല്‍സരം നടക്കും. തുടര്‍ന്ന് ഒപ്പന, അറേബ്യന്‍ ഡാന്‍സ് എന്നിവ ഉണ്ടാകും. 14 നു പുനര്‍ജനി കൂറ്റനാടിന്റെ നാടന്‍പാട്ട് അരങ്ങേറും.
15 നു 'അഭിമാനിക്കാം, എന്റെ നാട് പുന്നയര്‍ക്കുളം' എന്ന പരിപാടിയില്‍ പുന്നയൂര്‍ക്കുളത്ത് ജനിച്ച് പ്രശസ്തരായവരെ ആദരിക്കും. സ്പീക്കര്‍ പി.ശ്രീരാമകൃഷ്ണന്‍ ഉദ്ഘാടനം ചെയ്യും. 16 നു വൈകിട്ട് നാടന്‍ കലാപരിപാടികള്‍, 17 നു ഏഴിനു ഗസല്‍, 18 നു വൈകിട്ട് സമാപന സമ്മേളനം മന്ത്രി എ.സി മൊയ്തീന്‍ ഉദ്ഘാടനം ചെയ്യും.
സി.എന്‍ ജയദേവന്‍ എം.പി അധ്യക്ഷനാകും. വാര്‍ത്താ സമ്മേളനത്തില്‍ പ്രോഗ്രാം കമ്മിറ്റി ഭാരവാഹികളായ ആലത്തയില്‍ മൂസ, എന്‍.ആര്‍ ഗഫൂര്‍, കെ.എച്ച് ആബിദ്, സുധീര്‍, എം.റാണാപ്രതാപ്, യു.എം ഫാരിഖ്, യു.നൗഷാദ്, എം.ടി ബക്കര്‍, കെ.എസ് ഭാസ്‌ക്കരന്‍ എന്നിവര്‍ പങ്കെടുത്തു.