ഗൂഡല്ലൂര്‍: അനധികൃതമായി മദ്യവില്‍പന നടത്തിയ സംഭവത്തില്‍ ഒരാളെ പൊലിസ് അറസ്റ്റു ചെയ്തു. കോത്തഗിരി സ്വദേശി കുമാര്‍ (40)യെയാണ് എസ്.ഐ മതിവാണന്‍ അറസ്റ്റു ചെയ്തത്. ഇയാളുടെ പെട്ടിക്കടയില്‍ വെച്ചാണ് മദ്യം വില്‍പന നടത്തിയിരുന്നത്. കൂടാതെ കടയില്‍ മദ്യപിക്കാന്‍ സൗകര്യവും ചെയ്തുകൊടുത്തിരുന്നു. കോത്തഗിരിയിലെ കടകളില്‍ പൊലിസ് നടത്തിയ പരിശോധനയിലാണ് ഇയാള്‍ പിടിയിലായത്. കൂടാതെ പാന്‍മസാലകള്‍ വില്‍പന നടത്തിയ സംഭവത്തില്‍ കടയുടമ ശെന്തില്‍കുമാര്‍ (35)നെതിരേയും കേസെടുത്തു.