കുവൈത്ത് സിറ്റി: കുവൈത്തിലെ മംഗഫ് പ്രദേശത്തെ താമസകെട്ടിടത്തിന് നേരെ ഇന്ന് പുലര്‍ച്ചെയുണ്ടായ ഡ്രോണ്‍ ആക്രമണത്തില്‍ രണ്ട് പേര്‍ക്ക് പരിക്കേറ്റതായി കുവൈത്ത് അഗ്‌നിശമന സേനയുടെ ഔദ്യോഗിക വക്താവ് ബ്രിഗേഡിയര്‍ ജനറല്‍ മുഹമ്മദ് അല്‍ഗരീബ് അറിയിച്ചു.
ആക്രമണത്തെ തുടര്‍ന്ന് കെട്ടിടത്തില്‍ തീപിടിത്തം ഉണ്ടായെങ്കിലും അഗ്‌നിശമന സേന വേഗത്തില്‍ സ്ഥലത്തെത്തി തീ നിയന്ത്രണ വിധേയമാക്കി. കെട്ടിടത്തില്‍ താമസിച്ചിരുന്ന എല്ലാവരെയും സുരക്ഷിതമായി ഒഴിപ്പിച്ചതായും അധികൃതര്‍ അറിയിച്ചു.
പരിക്കേറ്റവരെ ഉടന്‍ തന്നെ സമീപത്തെ ആശുപത്രിയില്‍ പ്രവേശിപ്പിച്ചതായും അധികൃതര്‍ വ്യക്തമാക്കി.

Summary: A drone attack on an apartment building in southern Kuwait injured two people on Thursday early morning, said Spokesman of the Ministry of Defense Col. Staff Saud Al-Atwan.