ഡല്‍ഹി: ഡല്‍ഹി ഇന്ദിരാഗാന്ധി അന്താരാഷ്ട്ര വിമാനത്താവളത്തില്‍ ടേക്ക് ഓഫിനിടെ സ്വിസ് എയര്‍ വിമാനത്തിന്റെ എഞ്ചിന് തീപിടിച്ചു. ഡല്‍ഹിയില്‍ നിന്ന് സൂറിച്ചിലേക്കുള്ള സ്വിസ് എയര്‍ LX147 (Airbus A330) വിമാനത്തിനാണ് തീ പിടിച്ചത്. ഞായറാഴ്ച്ച പുലര്‍ച്ചെ ഏകദേശം 1.08ന് റണ്‍വേയിലൂടെ ടേക്ക് ഓഫിനായി വേഗത കൂട്ടുന്നതിനിടെയാണ് വിമാനത്തിന്റെ എന്‍ജിന് തകരാര്‍ സംഭവിക്കുകയും തീ പടരുകയും ചെയ്തത്. 

ഉടന്‍ തന്നെ പൈലറ്റ് റണ്‍വേയില്‍ തന്നെ നിര്‍ത്തുകയും ആളുകളെ അടിയന്തരമായി ഒഴിപ്പിക്കുകയും ചെയ്തു. എമര്‍ജന്‍സി സ്ലൈഡുകള്‍ വഴി യാത്രക്കാരെയും ജീവനക്കാരെയും വേഗത്തില്‍ പുറത്തിറക്കിയെങ്കിലും തിക്കിലും തിരക്കിലും പെട്ട് ആറ് പേര്‍ക്ക് പരുക്കേറ്റിട്ടുണ്ട്. ഉടന്‍ തന്നെ ഇവരെ ആശുപത്രിയില്‍ പ്രവേശിപ്പിച്ചു. സംഭവത്തിന്റെ ദൃശ്യങ്ങള്‍ സോഷ്യല്‍മീഡിയയില്‍ വൈറലായിട്ടുണ്ട്.

നാല് കുട്ടികളുള്‍പ്പെടെ 228 യാത്രക്കാരാണ് വിമാനത്തിലുണ്ടായിരുന്നത്. അപകടകാരണം കണ്ടെത്താന്‍ സ്വിസ് എയര്‍ പ്രത്യേക അന്വേഷണ സംഘത്തെ നിയോഗിച്ചിട്ടുണ്ട്. തലനാരിഴയ്ക്കാണ് വന്‍ദുരന്തം ഒഴിവായത്. 

A major aviation disaster was narrowly averted at Delhi’s Indira Gandhi International Airport when a Swiss Air flight caught fire during its takeoff roll. Emergency protocols were immediately activated, and the fire was extinguished promptly.