തൊടുപുഴ:  ചുട്ടുപൊള്ളി മൂന്നാറും. മൂന്നാറിലേക്ക് വിനോദസഞ്ചാരത്തിനെത്തുന്നവര്‍ ജാഗ്രത പാലിക്കണമെന്നാണ് മുന്നറിയിപ്പ്. കനത്ത ചൂടില്‍ മൂന്നാറിലെ സ്ഥിതി അപകടകരമെന്നും അള്‍ട്രാവൈലറ്റ് വികിരണ സൂചിക എട്ടില്‍ എത്തിയതിനാല്‍ അതീവ ജാഗ്രത പാലിക്കണമെന്ന് കലക്ടര്‍ നിര്‍ദേശം നല്‍കി. കനത്ത ചൂടില്‍ ആശ്വാസം തേടി മൂന്നാറിലെത്തുന്ന വിനോദ സഞ്ചാരികള്‍ ഉള്‍പെടെയുള്ളവര്‍ ഇത്തവണ കൂടുതല്‍ ശ്രദ്ധിക്കണമെന്നാണ് മുന്നറിയിപ്പ്. സൂചിക 11ലെത്തിയാല്‍ റെഡ് അലര്‍ട്ട് പ്രഖ്യാപിക്കും.

ALSO READ: ചൂടിന് കുറവില്ല; ഇന്നും കനക്കും; നാളെ മുതൽ മഴയെത്തുമെന്ന് നി​ഗമനം 

പുറത്തിറങ്ങുമ്പോള്‍ തലയും ശരീരവും മറക്കണമെന്നാണ് മുന്നറിയിപ്പില്‍ പറയുന്നത്. നേരിട്ട് വെയില്‍ കൊള്ളരുതെന്നും നിര്‍ദ്ദേശിക്കുന്നു.  വിനോദസഞ്ചാരികള്‍ക്ക് ആവശ്യമായ മുന്നറിയിപ്പുകള്‍ നല്‍കാന്‍ ടൂറിസം വകുപ്പിനും ഡിടിപിസിക്കും കലക്ടര്‍ നിര്‍ദേശം നല്‍കിയിട്ടുണ്ട്. 

മൂന്നാറിലെ തോട്ടം തൊഴിലാളികള്‍ക്കും ജാഗ്രതാ നിര്‍ദ്ദേശമുണ്ട്. രാവിലെ 10 മുതല്‍ വൈകിട്ട് മൂന്ന് വരെ ജോലിക്കിറങ്ങരുതെന്ന് നിര്‍ദ്ദേശിക്കുന്നു.  ഈ നിര്‍ദേശം ലംഘിക്കുന്ന തോട്ടം മാനേജ്‌മെന്റുകള്‍ക്കെതിരെ നടപടിയെടുക്കുമെന്നും കലക്ടര്‍ പറഞ്ഞു.

munnar faces intense heat with uv index rising to 8 authorities warn tourists and workers to take precautions avoid direct sunlight and stay safe during peak hours