പൽവാൽ: ഹരിയാനയിലെ പൽവാലിൽ മസ്ജിദിന് നേരെ അജ്ഞാതരുടെ ആക്രമണം. പൽവാൽ തിക്രി ബ്രാഹ്മിൺ ഗ്രാമത്തിലെ മസ്ജിദിനാണ് ബുധനാഴ്ച പുലർച്ചെ 1.25-ഓടെ അജ്ഞാതർ തീയിട്ടത്. സംഭവസമയത്ത് മസ്ജിദിലുണ്ടായിരുന്ന ഇമാമും മറ്റ് രണ്ട് വിശ്വാസികളും അത്ഭുതകരമായി രക്ഷപ്പെട്ടു.

റമദാനിലെ അവസാന പത്ത് ദിവസത്തെ പ്രത്യേക പ്രാർഥനകൾക്കായി (ഇഅ്തികാഫ്) മസ്ജിദിൽ എത്തിയ വിശ്വാസികൾ പൊള്ളലേൽക്കാതെ രക്ഷപ്പെട്ടു. മസ്ജിദിൽ നിന്നും പുക ഉയരുന്നത് ശ്രദ്ധയിൽപ്പെട്ട നാട്ടുകാർ ഉടൻ തന്നെ രക്ഷാപ്രവർത്തനം ആരംഭിക്കുകയും മറ്റ് ഭാഗങ്ങളിലേക്ക് തീ പടരുന്നത് തടയുകയും ചെയ്തു.

ALSO READ: വൈവിധ്യങ്ങളെ ചേര്‍ത്തുപിടിച്ച് ന്യൂയോര്‍ക്ക്; ചരിത്രത്തിലാദ്യമായി സിറ്റി ഹാളില്‍ ഇഫ്താര്‍ വിരുന്ന് സംഘടിപ്പിച്ച് സൊഹ്‌റാന്‍ മംദാനി 

പുകയുടെ ഗന്ധം അനുഭവപ്പെടുകയും നാട്ടുകാരുടെ ബഹളം കേൾക്കുകയും ചെയ്തപ്പോഴാണ് തീപിടിച്ച വിവരം തങ്ങൾ അറിഞ്ഞതെന്ന് മസ്ജിദിന് അകത്തുണ്ടായിരുന്നവർ വ്യക്തമാക്കി. അതേസമയം, ആരാണ് തീയിട്ടതെന്ന് കണ്ടില്ലെന്നും മസ്ജിദിന് അകത്തുണ്ടായിരുന്നവർ പറഞ്ഞു. പൽവാലിലെ സദർ പൊലിസ് സ്റ്റേഷൻ പരിധിയിലാണ് സംഭവം. സംഭവത്തിൽ കേസെടുത്ത് അന്വേഷണം ആരംഭിച്ചതായി പൽവാൽ പൊലിസ് സൂപ്രണ്ട് വ്യക്തമാക്കി.

An attempt was made by unidentified miscreants to set fire to a mosque in Tikri Brahman village under the Sadar Police Station limits in Palwal, Haryana. The incident occurred around 1:25 AM on Wednesday while the Imam and two others were inside for 'I'tikaf' (special prayers during the final ten days of Ramadan). The occupants escaped without injuries after villagers noticed smoke and rushed to extinguish the flames, preventing the fire from spreading to the main structure.