ന്യൂഡല്‍ഹി: നിയമസഭാ തെരഞ്ഞെടുപ്പ് സീറ്റ് ചര്‍ച്ചകളില്‍ കെ.സുധാകരന് കടുത്ത അതൃപ്തിയെന്ന് സൂചന. സ്ഥാനാര്‍ഥി നിര്‍ണയ ചര്‍ച്ചകള്‍ക്കിടെ സുധാകരന്‍ ഡല്‍ഹിയില്‍ നിന്ന് കേരളത്തിലേക്ക് മടങ്ങി. എം.പിമാര്‍ മത്സരിക്കേണ്ടെന്നാണ് തീരുമാനമെന്ന് സണ്ണി ജോസഫ് സുധാകരനെ അറിയിച്ചതിന് പിന്നാലെയാണ് ഇന്നലെ രാത്രി 10 മണിയോടെ സുധാകരന്‍ കണ്ണൂരിലേക്ക് മടങ്ങിയത്. 

കണ്ണൂര്‍ നിയമസഭാ മണ്ഡലത്തില്‍ മത്സരിക്കാനുള്ള താത്പര്യം കെ. സുധാകരന്‍ നേരത്തെ പാര്‍ട്ടിയെ അറിയിച്ചിരുന്നു. എന്നാല്‍ എം.പിമാര്‍ മത്സരിക്കുന്നതില്‍ സംസ്ഥാനത്ത നേതാക്കള്‍  ശക്തമായി എതിര്‍ത്തിരുന്നു. 

അതേസമയം, കെ സുധാകരന് പ്രതിഷേധം ഒന്നുമില്ലെന്നും സുധാകരന്‍ മടങ്ങിയത് നാട്ടില്‍ പരിപാടി ഉള്ളതുകൊണ്ടാണെന്നും കെ.പി.സി.സി അധ്യക്ഷന്‍ സണ്ണി ജോസഫ് പ്രതികരിച്ചു. സുധാകരനുമായി ഇന്നലെ കൂടികാഴ്ച്ച നടത്തിയിരുന്നുവെന്നും സണ്ണി ജോസഫ് പറഞ്ഞു.

KPCC president K. Sudhakaran has reportedly expressed strong dissatisfaction with the decision of the Indian National Congress leadership that Members of Parliament should not contest the upcoming Assembly elections.