കോഴിക്കോട്: കോഴിക്കോട് മെഡിക്കല്‍ കോളജ് ആശുപത്രിയില്‍ ചികിത്സാ പിഴവിനെ തുടര്‍ന്ന് രോഗി മരിച്ചതായി പരാതി. കോഴിക്കോട് വാണിമേല്‍ സ്വദേശി പറമ്പത്ത് റിജിത്ത്(46) ആണ് ഇന്ന് രാവിലെ മരിച്ചത്. 

കിഡ്‌നി സ്റ്റോണിന് കോഴിക്കോട് മെഡിക്കല്‍ കോളജ് ആശുപത്രിയില്‍ ചികിത്സയ്‌ക്കെത്തിയതായിരുന്നു റിജിത്ത്. കഴിഞ്ഞവര്‍ഷം ഓഗസ്റ്റിലാണ് ആദ്യ സര്‍ജറി നടത്തിയത്.  ഈ വര്‍ഷം ഏപ്രിലില്‍ രണ്ടാമത്തെ സര്‍ജറിയും ചെയ്തു. ഇടത് വൃക്കയിലെ കല്ല് നീക്കം ചെയ്യാനുള്ള ശസ്ത്രക്രിയ രോഗിയുടെ വലത് വൃക്കയില്‍ ചെയ്തുവെന്നാണ് കുടുംബം ആരോപിക്കുന്നത്. 

ആദ്യം ശസ്ത്രക്രിയ ചെയ്ത വലതുഭാഗത്ത് പഴുപ്പ് വന്നതോടെ അനുമതിയില്ലാതെ ഇടതുഭാഗത്ത് വീണ്ടും ശസ്ത്രക്രിയ നടത്തുകയായിരുന്നുവെന്നും കുടുംബം പരാതിയില്‍ പറയുന്നു. റിജിത്തിന്റെ മൃതദേഹം ഏറ്റുവാങ്ങാന്‍ കുടുംബം തയ്യാറായിട്ടില്ല. 

A serious allegation of medical negligence has emerged from Kozhikode Medical College, where a patient reportedly died following a surgical error. According to the complaint, doctors allegedly removed the patient's right kidney instead of the diseased left kidney during surgery. The incident has sparked outrage and raised concerns about patient safety and hospital procedures.