തിരുവനന്തപുരം: മുൻ മന്ത്രി കടകംപള്ളി സുരേന്ദ്രനെതിരെ ഉണ്ണികൃഷ്ണൻ പോറ്റി നൽകിയ പരാതി എസ്ഐടി അന്വേഷിക്കും. ശബരിമല സ്വര്‍ണ്ണക്കൊള്ള അന്വേഷിക്കുന്ന പ്രത്യേക സംഘമാണ് പരാതിയിൽ അന്വേഷണം നടത്തുക.

ഒരു ഭൂമി ഇടപാട് കേസിൽ തന്നെ മനഃപൂർവ്വം കുടുക്കാൻ കടകംപള്ളി ശ്രമിച്ചുവെന്നും, ഇതിന് പിന്നിലെ ഗൂഢാലോചന അന്വേഷിക്കണമെന്നുമാണ് പോറ്റിയുടെ ആവശ്യം. തനിക്കെതിരെ കഴക്കൂട്ടം സ്വദേശിനി നൽകിയ പരാതിക്ക് പിന്നിൽ കടകംപള്ളിയാണെന്ന് ഉണ്ണികൃഷ്ണൻ പോറ്റി ആരോപിക്കുന്നു. ഇക്കാര്യം ഉന്നയിച്ച് പോറ്റി കഴിഞ്ഞ ദിവസം ഡിജിപിക്ക് പരാതി നൽകിയിരുന്നു.

ALSO READ: ശബരിമല യുവതീപ്രവേശനം: വിശ്വാസികളുടെ താത്പര്യം സംരക്ഷിക്കും; ആചാരങ്ങളിൽ തീരുമാനമെടുക്കേണ്ടത് പണ്ഡിതർ; മന്ത്രി വി.എൻ. വാസവൻ

അതേസമയം, കടകംപള്ളി സുരേന്ദ്രൻ ഈ ആരോപണങ്ങൾ നിഷേധിച്ചു. ഉണ്ണികൃഷ്ണൻ പോറ്റിയുടെ പരാതിക്ക് പിന്നിൽ ഗൂഢാലോചനയുണ്ടെന്ന് അദ്ദേഹം വ്യക്തമാക്കി. കഴിഞ്ഞ പത്ത് വർഷത്തിനിടെ താൻ ഒരു പൊലിസ് സ്റ്റേഷനിലും പോയിട്ടില്ലെന്നും, ആരുടെയും പണമിടപാടുകളിൽ ഇടപെടാറില്ലെന്നും അദ്ദേഹം കൂട്ടിച്ചേർത്തു.  

The Special Investigation Team probing the Sabarimala gold theft case will investigate a complaint filed by Unnikrishnan Potti against former minister Kadakampally Surendran [1].