ന്യൂഡല്‍ഹി: പെട്രോളും ഡീസലും കണ്ടെയ്‌നറുകളിലും മറ്റും വാങ്ങിക്കുകയോ സൂക്ഷിക്കുകയോ ചെയ്യരുതെന്ന് നിര്‍ദ്ദേശം നല്‍കി കേന്ദ്രസര്‍ക്കാര്‍. രാജ്യത്തെ എല്ലാ റീട്ടെയില്‍ ഔട്ട്ലെറ്റുകളിലും പെട്രോള്‍, ഡീസല്‍ എന്നിവയുടെ മതിയായ സ്റ്റോക്കുകളുണ്ടെന്നും കേന്ദ്രം അറിയിച്ചു. 

ഇത്തരത്തിലുള്ള തെറ്റായ മാര്‍ഗത്തിലൂടെ ഇന്ധനം സൂക്ഷിക്കുന്നത് ഗൗരവമുള്ള സുരക്ഷാ ഭീഷണിയുണ്ടാക്കുന്നതാണെന്ന് കേന്ദ്ര പെട്രോളിയം, നാച്ചുറല്‍ ഗ്യാസ് മന്ത്രാലയം എക്‌സില്‍ കുറിച്ചു. 

ALSO READ: ഐറിസ് ദേന ആക്രമണം: അമേരിക്കയ്ക്ക് ഉടൻ മറുപടി നൽകുമെന്ന് ഇറാൻ സൈനിക മേധാവി

രാജ്യത്തുടനീളമുള്ള എല്ലാ ഇന്ധന ചില്ലറ വ്യാപാരികളും പെട്രോളും ഡീസലും വിതരണം ചെയ്യുമ്പോള്‍ സുരക്ഷാ മാര്‍ഗ്ഗനിര്‍ദ്ദേശങ്ങള്‍ കര്‍ശനമായി പാലിക്കണമെന്നും പെട്രോളിയം മന്ത്രാലയം നിര്‍ദ്ദേശം നല്‍കിയിട്ടുണ്ട്. കണ്ടയ്നറുകളില്‍ പെട്രോള്‍ നിറച്ചു നല്‍കുന്ന പെട്രോള്‍ പമ്പുകളുടെ ലൈസന്‍സ് സസ്പെന്‍ഡ് ചെയ്യുകയും നിയമനടപടി സ്വീകരിക്കുകയും ചെയ്യുമെന്നും മന്ത്രാലയം അറിയിച്ചു. 

തമിഴ്നാട്ടില്‍ ചിലയിടങ്ങളില്‍ ആളുകള്‍ കണ്ടയ്നറുകളില്‍ പെട്രോള്‍ വാങ്ങി സൂക്ഷിക്കുന്നതായുള്ള ദൃശ്യങ്ങള്‍ വൈറലായിരുന്നു. ഇതിന് പിന്നാലെയാണ് മന്ത്രാലയത്തിന്റെ മുന്നറിയിപ്പ്. ഇന്ധനലഭ്യത സംബന്ധിച്ച തെറ്റായ വിവരങ്ങള്‍ വിശ്വസിക്കരുതെന്നും അധികൃതര്‍ പൊതുജനങ്ങളോട് അഭ്യര്‍ത്ഥിച്ചു.

The Central government has directed petrol pumps not to sell petrol and diesel in containers except under specific and authorised circumstances. The instruction has been issued as part of safety measures to prevent misuse, illegal storage, and potential fire hazards.