തൃപ്പൂണിത്തറ: നിയമസഭാ തെരഞ്ഞെടുപ്പ് അടുത്തിരിക്കെ തൃപ്പൂണിത്തറയിലെ ട്വന്റി 20യില്‍ കൂട്ടരാജി. തദ്ദേശ തെരഞ്ഞെടുപ്പിലെ നഗരസഭാ കോര്‍ഡിനേറ്റര്‍ ഉള്‍പ്പെടെയുള്ളവരാണ് രാജിവെച്ചത്. പാര്‍ട്ടിയിലെ നേതാക്കളും പ്രവര്‍ത്തകരും തമ്മിലുള്ള അസ്വാരാസ്യങ്ങളാണ് പാര്‍ട്ടി വിടാന്‍ കാരണമെന്ന് പ്രവര്‍ത്തകര്‍ പറഞ്ഞു. 

നഗരസഭാ തെരഞ്ഞെടുപ്പില്‍ സ്ഥാനാര്‍ഥിയായിരുന്ന ബൈജു എ.വിയും കൂടെയുണ്ടായ മത്സരാര്‍ഥികളും പ്രവര്‍ത്തരും ഉള്‍പ്പെടെ 25ഓളം പേരാണ് രാജിവെച്ചത്. പാര്‍ട്ടിയിലെ മണ്ഡലം കമ്മിറ്റിയംഗമായ നേതാവിന്റെ പക്ഷപാതപരമായ പ്രവര്‍ത്തനങ്ങള്‍ സംഘടനയുടെ ഐക്യത്തെയും പ്രവര്‍ത്തന ക്ഷമതയും ഗൗരവമായി ബാധിച്ചിരിക്കുകയാണെന്നും കൂടാതെ പാര്‍ട്ടിയുടെ പ്രവര്‍ത്തന ശൈലിയും നയങ്ങളും തങ്ങളുടെ ആശയങ്ങളുമായി പൊരുത്തപ്പെടാത്ത സാഹചര്യത്തിലാണ് രാജിയെന്നും പ്രവര്‍ത്തകര്‍ പറഞ്ഞു.

ALSO READ: ഇറാനിലെ സൗത്ത് പാർസ് എണ്ണപ്പാടത്തിന് നേരെയുള്ള ആക്രമണം ആഗോള ഊർജ്ജ സുരക്ഷയ്ക്ക് ഭീഷണി; ഇസ്റാഈലിന് മുന്നറിയിപ്പുമായി യുഎഇ 

അതേസമയം ‌വോട്ടർ പട്ടികയിൽ പേര് ഉൾപ്പെടാത്തതിനെത്തുടർന്ന് പെരുമ്പാവൂരിലെ ട്വന്റി 20 സ്ഥാനാർത്ഥി നടി ലക്ഷ്മിപ്രിയയുടെ തെരഞ്ഞെടുപ്പ് പ്രചാരണത്തിൽ പ്രതിസന്ധിയിൽ. സ്ഥാനാർത്ഥിത്വം പ്രഖ്യാപിച്ച് മണിക്കൂറുകൾക്കകം പെരുമ്പാവൂരിലെ തെരഞ്ഞെടുപ്പ് കമ്മിറ്റി ഓഫീസിന് മുന്നിലുണ്ടായിരുന്ന ലക്ഷ്മിപ്രിയയുടെ ചിത്രമടങ്ങിയ ഫ്ലക്സുകൾ പാർട്ടി നീക്കം ചെയ്തു. പകരം നരേന്ദ്ര മോദിയും മറ്റ് സംസ്ഥാന നേതാക്കളുമുള്ള ഫ്ലക്സുകളാണ് സ്ഥാപിച്ചിരിക്കുന്നത്.

വോട്ടർ പട്ടികയിലെ തിരിച്ചടി

നിലവിൽ തൃപ്പൂണിത്തുറ കരിങ്ങാച്ചിറയിലാണ് ലക്ഷ്മിപ്രിയ താമസിക്കുന്നത്. എന്നാൽ ഇവിടത്തെ വോട്ടർ പട്ടികയിൽ നടിയുടെ പേരില്ലെന്ന് സ്ഥിരീകരണമുണ്ട്. മുൻപ് താമസിച്ചിരുന്ന തൃക്കാക്കരയിലെ പട്ടികയിലും പേര് വിവരങ്ങൾ ലഭ്യമല്ല. വോട്ടർ പട്ടികയിൽ പേരില്ലാത്തവർക്ക് സ്ഥാനാർത്ഥിയാകാൻ കഴിയില്ലെന്ന നിയമപരമായ നൂലാമാലയാണ് ട്വന്റി 20-യെ പ്രതിരോധത്തിലാക്കിയിരിക്കുന്നത്.

നാമനിർദ്ദേശ പത്രിക സമർപ്പിക്കാനുള്ള അവസാന തീയതിയായ തിങ്കളാഴ്ചയ്ക്ക് മുൻപ് ഓൺലൈനായി ഫോം 6 വഴി പേര് ചേർക്കാൻ അവസരമുണ്ട്. എന്നാൽ ചുരുങ്ങിയ സമയത്തിനുള്ളിൽ ഇത് സാധ്യമാകുമോ എന്ന കാര്യത്തിൽ വ്യക്തതയില്ല. ഇന്ന് നടത്താനിരുന്ന ലക്ഷ്മിപ്രിയയുടെ റോഡ് ഷോയും പാർട്ടി റദ്ദാക്കിയിട്ടുണ്ട്. ആരോഗ്യപ്രശ്നങ്ങൾ കാരണമാണ് മാറ്റിവെച്ചതെന്നാണ് ഔദ്യോഗിക വിശദീകരണമെങ്കിലും വോട്ടർ പട്ടികയിലെ പ്രശ്നങ്ങളാണ് ഇതിന് പിന്നിലെന്ന് കരുതപ്പെടുന്നു.

as the assembly elections approach, mass resignations have been reported in twenty20 at thrippunithura. those who resigned include the municipal coordinator from the local body elections. party workers said internal conflicts between leaders and members led to the resignations.