ന്യൂഡല്‍ഹി: പശ്ചിമേഷ്യന്‍ സംഘര്‍ഷം ആഗോള സമ്പദ് വ്യവസ്ഥയേയും ജനജീവിതത്തേയു ദോഷകരമായി ബാധിച്ചെന്ന് പ്രധാനമന്ത്രി നരേന്ദ്രമോദി. ഇന്ത്യയുമായി വ്യാപാരബന്ധമുള്ള രാജ്യങ്ങളില്‍ സംഘര്‍ഷം അപ്രതീക്ഷിത വെല്ലുവിളിയാണ് ഉണ്ടാക്കുന്നതെന്നും അദ്ദേഹം ലോക്‌സഭയില്‍ പറഞ്ഞു

ഒരു കോടി ഇന്ത്യക്കാര്‍ സംഘര്‍ഷമേഖലയിലുണ്ട്. 37500 ഇന്ത്യക്കാര്‍ മടങ്ങിയെത്തിയെന്നും ഏതാനും ഇന്ത്യക്കാര്‍ക്ക് ജീവന്‍ നഷ്ടമായതായും അദ്ദേഹം പറഞ്ഞു. 

ഊര്‍ജ്ജപ്രതിസന്ധി മറികടക്കാന്‍ ശ്രമം നടത്തുന്നുണ്ട്. ഹോര്‍മുസ് കടലിടുക്കിലെ സംഘര്‍ഷം കാരണം അതുവഴിയുള്ള ചരക്കുനീക്കം പ്രതിസന്ധിയിലാണ്. 60 ശതമാനം പെട്രോളിയവും ഇറക്കുമതി ചെയ്യുന്നതാണ്. രാജ്യത്ത് പെട്രോളിയം റിസര്‍വ് ഉണ്ട്. മറ്റ് രാജ്യങ്ങളിലെ എണ്ണ ഉത്പാദകരുമായും ബന്ധപ്പെടുന്നുണ്ട്.  ഇന്ത്യയില്‍ എല്‍.പി.ജി ഉത്പാദനവും വര്‍ധിപ്പിച്ചിട്ടുണ്ട്.  

ALSO READ: ഗാര്‍ഹിക സിലിണ്ടറിന്റെ തൂക്കം കുറക്കാന്‍ നീക്കം; 14.2 കിലോ 10 കിലോയിലേക്ക് 

സമാധാനം ഉറപ്പുവരുത്താന്‍ ഇന്ത്യ നയതന്ത്ര മാര്‍ഗങ്ങളിലൂടെ ശ്രമിച്ചു. എന്നാല്‍ വാണിജ്യ കപ്പലുകള്‍ക്ക് നേരെയുള്ള ആക്രമണവവും ഹോര്‍മുസിലൂടെയുള്ള ഗതാഗതം തടസപ്പെടുന്നതും അംഗീകരിക്കാനാവില്ല- പ്രധാനമന്ത്രി പറഞ്ഞു. 

പശ്ചിമേഷ്യയിലെ ഇന്ത്യന്‍ എംബസികള്‍ രക്ഷാ പ്രവര്‍ത്തനങ്ങളില്‍ സജീവമായി ഇടപെടുന്നുണ്ട്. ഇന്ത്യക്കാരുടെ സഹായത്തിനായി 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂമുകളും അടിയന്തര ഹെല്‍പ്പ് ലൈനുകളും സജ്ജീകരിച്ചിട്ടുണ്ടെന്നും അദ്ദേഹം പറഞ്ഞു.

Narendra Modi expressed concern over the ongoing conflict in West Asia, describing it as alarming. He stated that India has faced unprecedented challenges amid the situation, highlighting the broader impact of global tensions on the country. The remarks underscore India’s cautious stance and focus on stability in the region.