കൊച്ചി: എസ്.എന്‍.ഡി.പി യോഗം ഭാരവാഹികളെ അയോഗ്യരാക്കിയ നടപടിയില്‍ വെള്ളാപ്പള്ളി നടേശന് ആശ്വാസം. ഭാരവാഹികളെ അയോഗ്യരാക്കിക്കൊണ്ടുള്ള സിംഗിള്‍ ബെഞ്ച് ഉത്തരവ് ഹൈക്കോടതി ഡിവിഷന്‍ ബെഞ്ച് സ്റ്റേ ചെയ്തു. വെള്ളാപ്പള്ളി നടേശന്‍, തുഷാര്‍ വെള്ളാപ്പള്ളി, അരയാക്കണ്ടി സന്തോഷ് അടക്കമുള്ളവര്‍ക്ക് ഡയറക്ടര്‍ ബോര്‍ഡ് പദവിയില്‍ തുടരാം. അപ്പീലില്‍ എതിര്‍കക്ഷികള്‍ക്ക് ചീഫ് ജസ്റ്റ്ിസ് അധ്യക്ഷനായ ഡിവിഷന്‍ ബെഞ്ച് നോട്ടിസ് അയച്ചു. അപ്പീലുകള്‍ അന്തിമവാദത്തിനായി ജൂണില്‍ പരിഗണിക്കും. 

തങ്ങളെ അയോഗ്യരാക്കിയ സിംഗിള്‍ ബെഞ്ച് ഉത്തരവ് നിയമവിരുദ്ധവും അധികാരപരിധി മറികടന്നുള്ളതുമാണെന്ന് ആരോപിച്ച് വെള്ളാപ്പള്ളിയും തുഷാര്‍ വെള്ളാപ്പള്ളിയും അപ്പീല്‍ നല്‍കിയിരുന്നു. 

2013ലെ കമ്പനി ആക്ട് ലംഘിച്ചതിന് അവരുടെ സ്ഥാനങ്ങള്‍ ഒഴിഞ്ഞുകിടക്കുന്നതായി പ്രഖ്യാപിച്ചതുമായി സിംഗിള്‍ ബെഞ്ചിന്റെ വിധിക്കെതിരെയാണ് ഇവര്‍ ഹൈക്കോടതിയെ സമീപിച്ചത്. 

 സിംഗിള്‍ ബെഞ്ച് രണ്ട് ലംഘനങ്ങള്‍ ചൂണ്ടിക്കാട്ടിയാണ് ഉത്തരവ് നല്‍കിയത്. ഡയരക്ടര്‍ ഐഡന്റിഫിക്കേഷന്‍ നമ്പര്‍ ഇല്ലാതെ ആരെയും ഒരു കമ്പനിയുടെ ഡയരക്ടറായി നിയമിക്കാന്‍ പാടില്ല എന്ന വ്യവസ്ഥയുള്ള 2013 ലെ കമ്പനി ആക്ടിലെ സെക്ഷന്‍ 152(3) എസ്.എന്‍ഡി.പി യോഗത്തിന്റെ ഭാരവാഹികള്‍ ലംഘിച്ചു.

 1956 ലെ കമ്പനി ആക്ടിലെ സെക്ഷന്‍ 274(1) പ്രകാരം 2006 07 മുതല്‍ 2016 17 വരെയുള്ള വാര്‍ഷിക അക്കൗണ്ടുകളും റിട്ടേണുകളും ഫയല്‍ ചെയ്യുന്നതില്‍ യോഗം 2020 സെപ്റ്റംബര്‍ വരെ വീഴ്ച വരുത്തി തുടങ്ങിയവയാണ് ആരോപണങ്ങള്‍.

In a relief to Vellappally Natesan, a Division Bench has stayed the action that disqualified office bearers of the SNDP Yogam. The court’s interim order halts the earlier decision, allowing the current office bearers to continue for the time being. The case will be subject to further legal proceedings as the matter remains under consideration.