കോഴിക്കോട്: സോഷ്യൽ മീഡിയ വഴി വ്യാജ മേൽവിലാസത്തിൽ അടിസ്ഥാനരഹിതമായ ആരോപണങ്ങളുമായി രംഗത്തുവരുന്നവരെ കരുതിയിരിക്കണമെന്നും സമുദായ നേതൃത്വത്തെ അപമാനിക്കുക വഴി സമൂഹത്തിൽ ഛിദ്രതയും ചേരിതിരിവും ഉണ്ടാക്കുന്ന ദുശ്ശക്തികളെ കണ്ടെത്തി കർശന നടപടി സ്വീകരിക്കണമെന്നും എസ്.വൈ.എസ് സംസ്ഥാന ജന. സെക്രട്ടറി സയ്യിദ് മുഹമ്മദ് കോയ തങ്ങൾ ജമലുല്ലൈലി, വർക്കിങ് സെക്രട്ടറി അബ്ദുൽ ഹമീദ് ഫൈസി അമ്പലക്കടവ്, സെക്രട്ടറി അബ്ദുസ്സമദ് പൂക്കോട്ടൂർ എന്നിവർ ആവശ്യപ്പെട്ടു. നീചമായ ഇത്തരം പ്രവണതകൾ അത്യന്തം ഹീനവും ഗുരുതരവുമായ പ്രവൃത്തിയാണ്. ഇതിനു പിന്നിലെ ഗൂഢാലോചന പുറത്തു കൊണ്ടുവരണമെന്നും നേതാക്കൾ ആവശ്യപ്പെട്ടു.