കോഴിക്കോട്: ബീച്ചിലെ ലയൺസ് പാർക്കിൽ ഇരുന്ന 17 വയസ്സുകാരിയെ ലൈംഗികമായി ഉപദ്രവിച്ച കേസിൽ യുവാവ് പിടിയിൽ. നടക്കാവ് സ്വദേശി നാലുകുടിപ്പറമ്പ് വീട്ടിൽ മുഹമ്മദ് ഷാനിൽ (24) ആണ് വെള്ളയിൽ പൊലിസിന്റെ പിടിയിലായത്.

കഴിഞ്ഞ വർഷം ഒക്ടോബർ 28-നാണ് കേസിനാസ്പദമായ സംഭവം നടന്നത്. ലയൺസ് പാർക്കിൽ ഇരിക്കുകയായിരുന്ന പെൺകുട്ടിയോട് പ്രതി പരിചയം നടിച്ചെത്തുകയും തുടർന്ന് ലൈംഗികാതിക്രമത്തിന് ഇരയാക്കുകയുമായിരുന്നു. പെൺകുട്ടി നൽകിയ പരാതിയുടെ അടിസ്ഥാനത്തിൽ കേസ് രജിസ്റ്റർ ചെയ്ത് പൊലിസ് അന്വേഷണം ആരംഭിച്ചിരുന്നു. എന്നാൽ മാസങ്ങളായി പ്രതിക്കായി തിരച്ചിൽ നടത്തിയെങ്കിലും പിടികൂടാൻ കഴിഞ്ഞിരുന്നില്ല.

എന്നാൽ കഴിഞ്ഞ ദിവസം വെള്ളയിൽ പരിസരത്ത് വെച്ച് പ്രതിയെ പൊലിസ് സംഘം വലയിലാക്കി. സബ് ഇൻസ്പെക്ടർ ബൈജുനാഥ്, സി.പി.ഒമാരായ മധു, ഷിജു, ഹോം ഗാർഡ് ബാബു എന്നിവരടങ്ങിയ സംഘമാണ് പ്രതിയെ കസ്റ്റഡിയിലെടുത്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

a 24-year-old youth, identified as muhammed shanil from nadakkavu, was arrested by the vellayil police for sexually assaulting a 17-year-old girl at kozhikode beach. the incident occurred on october 28 last year at lions park, where the accused approached the minor under the guise of being an acquaintance.