തിരുവനന്തപുരം: വിവിധ പ്രവേശന പരീക്ഷകൾക്ക് തയാറെടുക്കുന്ന കേരളത്തി ലെ ഹയർ സെക്കൻഡറി വി ദ്യാർഥികൾക്കായി കേരള ഇൻഫ്രാസ്ട്രക്‌ചർ ആൻഡ് ടെക്നോളജി ഫോർ എജ്യൂ ക്കേഷൻ (കൈറ്റ്) ഒരുക്കുന്ന 'കീ ടു'  എൻട്രൻസ് പോർട്ടലിലെ മോക്ക് ടെസ്റ്റുകൾക്ക് ഈ മാസം 30 മുതൽ തുടക്ക മാകും. യഥാർഥ പരീക്ഷയു ടെ മാതൃകയിൽ ക്രമീകരിച്ചി രിക്കുന്ന മോക്ക് ടെസ്റ്റുകൾ വിദ്യാർഥികൾക്ക് പരീക്ഷാ തയാറെടുപ്പ് കൂടുതൽ ഫലപ്രദമാക്കാൻ സഹായിക്കും.

വിവിധ പരീക്ഷകൾക്കായി ഘട്ടംഘട്ടമായാണ് മോക്ക് ടെസ്റ്റുകൾ ലഭ്യമാക്കുന്നത്. 30ന് ജെ.ഇ.ഇ 4.2.2, മെയിൻ, ഏപ്രിൽ 8ന് കീം, ഏപ്രിൽ 24ന് നീറ്റ്, മെയ് ഒന്നിന് സി.യു.ഇ.ടി എന്നീ ക്രമത്തിലാണ് പരീക്ഷ കൾ നടത്തുന്നത്. വിദ്യാർഥികൾക്ക് സ്‌കൂളിൽ നിന്ന് ലഭിച്ച ലോഗിൻ വിവരങ്ങൾ ഉപയോഗിച്ച്  http://entrance.kite. kerala.gov.in/ എന്ന പോർട്ടലിലൂടെ ഈ സേവനം സൗജന്യമായി പ്രയോജനപ്പെടുത്താം. ലോഗിൻ ലഭിക്കാത്തവർക്ക് സ്‌കൂൾ പ്രിൻസിപ്പലി നെയോ നോഡൽ ടീച്ചറെയോ ബന്ധപ്പെടാവുന്നതാണ്.

ഇരുപതിനായിരത്തിലധി കം ചോദ്യങ്ങൾ അടങ്ങിയ പരിശീലന മൊഡ്യൂളുകൾക്ക് പുറമെ, നിർമിതബുദ്ധിയുടെ (എ.ഐ) സഹായത്തോടെ യുള്ള നിരവധി പ്രാക്ടീസ് ചോ ദ്യങ്ങളും വ്യക്തിഗത പഠന പി ന്തുണയും പോർട്ടലിലുണ്ട്. ഓരോ വിദ്യാർഥിയുടെയും പഠന നിലവാരത്തിനനുസരി ച്ചുള്ള 'അഡാപ്റ്റീവ് ലേണിങ്' സൗകര്യവും പ്രകടന വിശകലനവും ഇതിന്റെ പ്രത്യേകതയാണ്.

വൻതുക നൽകി സ്വകാര്യ എൻട്രൻസ് കോച്ചിങ്ങുകൾക്ക് പോകാൻ കഴിയാത്ത സാമ്പത്തികമായി പിന്നാക്കം നിൽക്കുന്ന കുട്ടികൾക്ക് ഈ എ.ഐ അധിഷ്ഠിത പരിശീലനം വലിയ അനുഗ്രഹമാകുമെന്ന് കൈറ്റ് സി.ഇ.ഒ കെ. അൻവർ സാദത്ത് അറിയിച്ചു.