കോഴിക്കോട്: അട്ടിമറിവിജയം നേടിയിട്ടും യു.ഡി.എഫില്‍ മുഖ്യമന്ത്രി ആരാവണമെന്ന തര്‍ക്കം തുടരുകയാണ്. അതേസമയം,  വി.ഡി സതീശനെ മുഖ്യമന്ത്രി ആക്കണമെന്നാണ് ഭൂരിഭാഗം പ്രവര്‍ത്തകര്‍ ഉള്‍പെടെയുള്ളവരുടെ വികാരം. ഇക്കാരംയ ആവശ്യപ്പെട്ട് തെരഞ്ഞെടുപ്പ് ഫലം വന്നത് മുതല്‍ വിവധ രീതിയിലുള്ള പ്രതികരണങ്ങളും ജനങ്ങളുടെ ഭാഗത്ത് നിന്നുണ്ടാവുന്നുണ്ട്. കഴിഞ്ഞ ദിവസം പാതിരാത്രിയിലും സംസ്ഥാനത്തിന്റെ വിവിധ ഭാഗങ്ങളില്‍ പ്രകടനം നടന്നിരുന്നു. വിവിധ ജില്ലകളില്‍ നടന്ന പ്രകടനങ്ങളില്‍ നേതാക്കളടക്കം നൂറുക്കണക്കിനാളുകളാണ് പങ്കെടുത്തത്.  കോഴിക്കോട് കുറ്റ്യാടിയിലും കാരശ്ശേരിയിലും അത്തോളിയിലും മുക്കം കാരശ്ശേരിയിലും പ്രവര്‍ത്തകര്‍ തെരുവിലിറങ്ങി.

ALSO READ: രാഹുൽ ഗാന്ധിയുടെയും പ്രിയങ്കയുടെയും ഫേസ്ബുക്കിൽ ‘സതീശൻ തരംഗം’; ലക്ഷം കടന്ന് കമന്റുകൾ

പടനയിച്ച നായകന്‍ നാട് ഭരിക്കെട്ട എന്ന ബാനറേന്തിയായിരുന്നു പ്രകടനം. ''പിണറായിയുടെ കയ്യില്‍നിന്നും, ഇടതന്മാരുടെ കയ്യില്‍നിന്നും, കേരള ജനതയെ മോചിപ്പിക്കാന്‍, കേരളമാകെ ഓടി നടന്ന, ചങ്കേ കരളേ വി.ഡി.എസ്സേ, നിങ്ങള്‍ ഞങ്ങള്‍ക്കാവേശം, വാഗ്ദാനങ്ങള്‍ പാലിക്കാന്‍, അങ്ങീ നാട് ഭരിക്കേണം''തുടങ്ങിയ മുദ്രാവാക്യങ്ങളുമുവുമുയര്‍ന്നു. മുത്തേ മുത്തേ മണി മുത്തേ, കണ്ണേ കരളേ വിഡിഎസ്സേ തുടങ്ങിയ മുദ്രാവാക്യങ്ങളും പ്രവര്‍ത്തകര്‍ മുഴക്കി. പ്രതിപക്ഷ നേതാവ് എന്ന നിലയില്‍ മികച്ച പ്രകടനം നടത്തിയ വി.ഡിയെ മുഖ്യമന്ത്രിയാക്കിയില്ലെങ്കില്‍ അത് ജനങ്ങളോട് ചെയ്യുന്ന ചതിയാകുമെന്ന് പ്രവര്‍ത്തകര്‍ ചൂണ്ടിക്കാട്ടി. നിലപാട് എടുക്കുന്നവനെയാകണം മുഖ്യമന്ത്രിയാക്കേണ്ടത്. പണിയെടുത്തവനാണ് കൂലി കൊടുക്കേണ്ടതെന്നും പ്രവര്‍ത്തകര്‍ തുറന്നടിച്ചു. ജനവികാരം മാനിക്കാന്‍ ഹൈക്കമാന്‍ഡ് തയ്യാറാകണമെന്നും അവര്‍ ആവശ്യപ്പെട്ടു.

ALSO READ: 'പട നയിച്ചവന്‍ നാട് നയിക്കട്ടെ'; വി.ഡി സതീശന് പിന്തുണയുമായി തെരുവിലിറങ്ങി കോണ്‍ഗ്രസ് പ്രവര്‍ത്തകര്‍ 

നിയമസഭാ തെരഞ്ഞെടുപ്പില്‍ യു.ഡി.എഫ് ചരിത്രവിജയം നേടിയതിന് പിന്നാലെ മുഖ്യമന്ത്രി സ്ഥാനത്തേക്ക് പ്രതിപക്ഷ നേതാവ് വിഡി സതീശന്‍, മുതിര്‍ന്ന നേതാവ് രമേശ് ചെന്നിത്തല, എ.ഐ.സി.സി ജനറല്‍ സെക്രട്ടറി കെസി വേണുഗോപാല്‍ എന്നിവരുടെ പേരുകളാണ് ഉയര്‍ന്നത്. മൂന്ന് നേതാക്കളുടെയും അനുയായികള്‍ സമൂഹമാധ്യമങ്ങളിലടക്കം പരസ്യമായി രംഗത്തുവരികയായിരുന്നു. 

തുടര്‍ന്ന് മുഖ്യമന്ത്രി തെരഞ്ഞെടുപ്പുമായി ബന്ധപ്പെട്ട് എ.ഐ.സി.സി നിരീക്ഷകരായ അജയ് മാക്കനും, മുകുള്‍ വാസ്നിക്കും സംസ്ഥാനത്തെത്തി തെരഞ്ഞെടുക്കപ്പെട്ട കോണ്‍ഗ്രസ് എം.എല്‍.എമാരുമായി ഇവര്‍ കഴിഞ്ഞ ദിവസം കൂടിക്കാഴ്ച നടത്തി. ഓരോരുത്തരേയും വെവ്വേറെയാണ് കണ്ടത്.  പിന്നാലെ ഘടകക്ഷി നേതാക്കളെയും കണ്ടിരുന്നു. 

massive midnight rallies held in various districts of kerala for v.d. satheesan. hundreds of congress and youth congress workers take to the streets demanding he be named the next kerala chief minister following udf's assembly election victory.

.