സംസ്ഥാനത്ത് സ്വര്‍ണവിലയില്‍ ഇന്നും വര്‍ധനവ്. പവന് ഒറ്റയടിക്ക് 1840 രൂപയാണ് കൂടിയത്. ഇന്നലെ രാവിലെയും വൈകീട്ടും സ്വര്‍ണവില വര്‍ധിച്ചിരുന്നു. അന്താരാഷ്ട്ര വിപണിയിലെ വില ഉയരുന്നതിന്റെ ചുവടുപിടിച്ചാണ് ആഭ്യന്തരവിലയിലും മാറ്റമുണ്ടായത്. 

ഇന്നലെ രാവിലെ പവന് 120 രൂപയും വൈകീട്ടോടെ 640 രൂപയുമാണ് വര്‍ധിച്ചത്. ഈ മാസത്തിന്റെ തുടക്കത്തില്‍ 126920 രൂപയായിരുന്നു പവന്റെ വില. പിന്നീട് അത് കുറഞ്ഞ്  മാര്‍ച്ച് 23 ന് സ്വര്‍ണവില പവന് 99,480 എന്ന നിരക്കിലെത്തിയിരുന്നു. മൂന്നാഴ്ച്ചക്കിടെ 20,000 രൂപയിലേറെയാണ് ഇടിവുണ്ടായത്. 

ALSO READ: റഷ്യൻ എൽ.എൻ.ജി വേണം; ട്രംപിന്റെ കനിവുതേടി കേന്ദ്ര സർക്കാർ

പശ്ചിമേഷ്യന്‍ സംഘര്‍ഷത്തില്‍ സമാധാന ചര്‍ച്ചകള്‍ പുരോഗമിക്കുന്നുവെന്ന റിപ്പോര്‍ട്ടുകളുടെ പശ്ചാത്തലത്തിലാണ് ഒമ്പത് ദിവസമായി തുടര്‍ന്ന ഇടിവിന് ശേഷം ബുധനാഴ്ച മുതല്‍ സ്വര്‍ണവിലയില്‍ വര്‍ധനവുണ്ടായത്. 

ഇന്നത്തെ വില

പവന് 1840 രൂപ വര്‍ധിച്ച് 1,08,600 രൂപയായി. ഗ്രാമിന് 230 രൂപ വര്‍ധിച്ച് 13575 രൂപയിലാണ് വ്യാപാരം പുരോഗമിക്കുന്നത്. 18 കാരറ്റിന് ഗ്രാം വില 11,155 രൂപയാണ്. വെള്ളിവില ഗ്രാമിന് 245 രൂപയില്‍ തന്നെ തുടരുന്നു.

Gold prices in Kerala have risen again today, with a sharp increase of ₹1,840 per sovereign (pavan), taking the rate to ₹1,08,600. The price per gram has increased by ₹230, reaching ₹13,575, while 18-carat gold is priced at ₹11,155 per gram.