താമരശ്ശേരി: കിസ്‌വയുടെ ആഭിമുഖ്യത്തില്‍ കൂടത്തായിയില്‍ ഓണം-പെരുന്നാള്‍ സൗഹൃദ സംഗമവും കിറ്റ് വിതരണവും നടത്തി. ഡി.സി.സി ജനറല്‍ സെക്രട്ടറി എ. അരവിന്ദന്‍ സൗഹൃദസംഗമവും കൊടുവള്ളി ബ്ലോക്ക് വൈസ് പ്രസിഡന്റ് സൂപ്പര്‍ അഹമ്മദ് കുട്ടി ഹാജി കിറ്റ് വിതരണവും ഉദ്ഘാടനം ചെയ്തു. കിസ്‌വ പ്രസിഡന്റ് പി.ടി ആലിക്കുട്ടി ഹാജി അധ്യക്ഷനായി.
ജന. സെക്രട്ടറി നാസര്‍ ഫൈസി കൂടത്തായി മുഖ്യപ്രഭാഷണം നടത്തി. കെ.പി സുബ്രഹ്മണ്യന്‍, എ.കെ അബ്ബാസ് ഹാജി, വി.കെ ഇമ്പിച്ചിമോയി, കൃഷ്ണന്‍കുട്ടി നായര്‍, മുനവ്വിര്‍ വെളിമണ്ണ, കെ.കെ ഗഫൂര്‍, എ.പി ഗഫൂര്‍, സി.പി ഉണ്ണിമോയി, അന്‍വര്‍ പുറായില്‍, എ.കെ നിസാര്‍ സംസാരിച്ചു.