തെഹ്‌റാൻ/മോസ്കോ: ഇറാന്റെ പുതിയ പരമോന്നത നേതാവ് മുജ്തബ ഖാംനഈയെ സംബന്ധിച്ച അഭ്യൂഹങ്ങൾക്ക് വിരാമമിട്ട് റഷ്യ. ഇസ്റാഈൽ വധഭീഷണി നിലനിൽക്കുന്നതിനാൽ, അദ്ദേഹം അതീവ സുരക്ഷിതമായ ഭൂഗർഭ ബങ്കറിൽ നിന്നാണ് ഭരണകാര്യങ്ങൾ നിയന്ത്രിക്കുന്നതെന്ന് ഇറാനിലെ റഷ്യൻ അംബാസഡർ അലക്‌സി ദെദോവ് വെളിപ്പെടുത്തി. ആയത്തുള്ള അലി ഖമനെയിയുടെ വിയോഗത്തിന് ശേഷമായിരുന്നു മൊജ്‌തബ ഇറാൻ്റെ അധികാരമേറ്റെടുത്തത്.

ALSO READ: ക്രൈമിയയിൽ റഷ്യൻ സൈനിക വിമാനം തകർന്നു വീണു: 29 മരണം; സാങ്കേതിക തകരാറെന്ന് പ്രാഥമിക നിഗമനം

മുജ്തബ ഖാംനഈക്ക് പരുക്കേറ്റെന്നോ അദ്ദേഹം ഇറാൻ വിട്ടെന്നോ ഉള്ള പ്രചാരണങ്ങൾ അടിസ്ഥാനരഹിതമാണ്. അദ്ദേഹം പൂർണ്ണ ആരോഗ്യവാനാണ്. രാജ്യത്തെ സൈനിക നീക്കങ്ങളും തന്ത്രപ്രധാനമായ തീരുമാനങ്ങളും അദ്ദേഹം നേരിട്ട് നിയന്ത്രിക്കുന്നുണ്ട് അലക്‌സി ദെദോവ് വ്യക്തമാക്കി. ഇസ്റാഈൽ ഇറാൻ്റെ ഉന്നത നേതാക്കളെ ലക്ഷ്യം വെക്കുന്നത് തുടരുന്നതിനിടയിലാണ് റഷ്യയുടെ ഈ നിർണ്ണായക വെളിപ്പെടുത്തൽ. 

അതേസമയം, ഇറാൻ്റെ പുതിയ ഭരണകൂടവുമായി റഷ്യ നിരന്തര സമ്പർക്കം പുലർത്തുന്നുണ്ടെന്ന റിപ്പോർട്ടുകൾ അമേരിക്കയെയും ഇസ്റാഈലിനെയും ഒരുപോലെ സമ്മർദ്ദത്തിലാക്കുന്നതാണ്.