കണ്ണൂർ: പയ്യന്നൂരിലെ സി.പി.എം ഏരിയ കമ്മിറ്റി ഓഫീസ് കേന്ദ്രീകരിച്ച് വ്യാജ ആധാർ കാർഡുകൾ നിർമ്മിക്കുകയാണെന്ന ഗുരുതര ആരോപണവുമായി കെ.സി. വേണുഗോപാൽ. തിരഞ്ഞെടുപ്പിലെ പരാജയഭീതി മുൻനിർത്തിയാണ് സി.പി.എം ഇത്തരം പഴയ തന്ത്രങ്ങൾ വീണ്ടും പുറത്തെടുക്കുന്നതെന്നും അദ്ദേഹം കണ്ണൂരിൽ മാധ്യമങ്ങളോട് പറഞ്ഞു.

അതേസമയം, മുഖ്യമന്ത്രിക്കെതിരെ രൂക്ഷവിമർശനമാണ് കെ.സി. വേണുഗോപാൽ നടത്തിയത്. മുഖ്യമന്ത്രി ജി. സുധാകരനെ വർഗീയവാദിയായി ചിത്രീകരിക്കാൻ ശ്രമിക്കുന്നുവെന്ന് അദ്ദേഹം കുറ്റപ്പെടുത്തി. തരംതാഴ്ന്ന രാഷ്ട്രീയ ആക്രമണമാണ് മുഖ്യമന്ത്രി നടത്തുന്നതെന്നും, സുധാകരനെ ആക്ഷേപിക്കുന്നതിന് മുൻപ് മുഖ്യമന്ത്രി സ്വന്തം മുഖം കണ്ണാടിയിൽ നോക്കുന്നത് നന്നായിരിക്കുമെന്നും അദ്ദേഹം പരിഹസിച്ചു. 

ALSO READ: കരുണാനിധിയാകാൻ നോക്കി, കിട്ടിയത് എട്ടിന്റെ പണി; മൻസൂർ അലിഖാന് ആർപിഎഫിന്റെ 'സ്നേഹോപഹാരം'

അതേസമയം, വയനാട് ദുരിതാശ്വാസ നിധിയുമായി ബന്ധപ്പെട്ട ചോദ്യങ്ങൾക്ക് കൃത്യമായ കണക്കുകൾ കൈവശമുണ്ടെന്നും അത് ഉടൻ പുറത്തുവിടുമെന്നും കെ.സി. വേണുഗോപാൽ വ്യക്തമാക്കി.